分享裝修新居的感受

ddhappy

分享裝修新居的感受

最近搬新屋，發生好多事，感到好唔開心，完全沒有入住新居的開心。

首先由裝修開始，屋企人幫襯咗樓下的承仔，但d手工好差，叫佢地做廚房下面兩組櫃，關上櫃門後中間出現一大條縫，尺寸根本唔啱，然後加多塊木板在其中一個門後面，咁樣關門就看不到條縫，但是使用時就變得非常不方便，一定要先關有加木板條的門，用起上嚟好煩，唔就手。屋企人話費事嘈啦，收咗貨。

然後做窗簾，窗寬235米，窗軌正常都要一條至少230米完整的軌。間窗簾公司居然做兩截各1.1米再拼接，並且係幼身既軌。我見到已經話唔ok，但我屋企人又話係咁㗎啦，最後掛咗窗簾上去，根本拉唔到，我出聲話一定要叫人嚟換先肯叫，最後換咗條2.2米，根本唔夠長，叫做勉強裝返落去。

再嚟安裝洗衣機＋冷氣機。洗衣機個師傅係日立派嚟，感覺麻麻地，咩都冇教就走咗，條喉唔夠長，話加錢畀佢做又話無早講無帶工具喺身...唔憂做咁。冷氣機安裝先激氣，詳情已經喺另外一篇文講咗。

唔開心到依家，瞓唔著，喊咗成晚。覺得依家個世道變咗。d裝修佬冷氣佬一見你只得一個女人仔，就蝦你唔識野，好唔開心。

ktklgss2021

明白你苦況

lkm8286

開心D，想想每個月可以省下一大筆房租了，最多再花少少錢執下D手尾

王大媽

回應 #1 ddhappy

咁，真係個別個案。

不要有負面情緒 ，祝安居樂業。

Happymeow

身同感受，但要以正向思維，去面對這些唔合格的事與人，免得令自己的身體，出現唔靚仔的細胞，影響健康。
平復心情，開心愉快去迎接每一天，恭喜新居入伙。
到我青富苑入伙時，這些問題可能又會出現，哈哈，這就是生活，都會探用樂觀態度去面對，加油，人生是美好的。

SLLAM

啲師傅諗住呢啲生意只會做一次冇第二次，所以態度先至咁惡劣。所以裝修唔好幫襯樓下，要搵出面而且要有中介公司做監督，至於其他好似裝窗簾嘅簡單事，就盡量自己嚟。

alulia

回應 #1 ddhappy

算啦，唔好唸太多，我間屋裝修緊，估計裝修完都可能會有類似問題

Haoyun

樂觀對待生活，人生就是不斷遇到問題，之後不斷地解決問題。

kikix

所以香港起嘅樓絕大部份都唔需要左加右改嚟就D電器,
只係部份不良份子的師傅想屈錢!

ddhappy

回應 #8 Haoyun

多謝鼓勵，積極面對