第四派畢業啦

nekosama777

第四派畢業啦

橫頭磡邨宏安樓中層13室
42.08平方米 = 452平方呎
唔知好唔好

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

MoonHeiYuet

回應 #96 fortesting

相連長型，最大賣點，
係鐵閘同大門之間個空間，係免費「送」，
租就唔收租，買又唔收錢。

不過另一個角度，呢個就係敗筆之處，
還掂都係「送」埋俾你，點解當初設計失誤，
去到最後一座，都唔改圖則，
將呢個空間劃返入單位裡面，
將大門改返出鐵閘度，
明正言順收返你租？

當初個設計，原本係鐵閘裝喺而家個大門度，
呢個凹入去的空間，係走廊範圍，
但因為保安問題，落成後將個鐵閘改出去，
變相送了個佔用權給你。

呢個空間，間唔中都見到有業主，
改咗個大門出去，又冇人捉到佢，
咁樣即係將官地據為己有，
同你喺走廊，圍個鐵絲網，
話呢撻地係你嘅冇分別。
（圖一、二）

相連長型，我亦好欣賞鐵閘個設計好實用，
門入面可以「率埋佢」再加把鎖，
（圖四）
後期設計，門口仲有多去鐵片，
去旅行可以加把鎖，鎖住個鎖匙窿。
（圖五）
*圖五係一人劏房，本身鐵閘貼住大門，
冇果個空間送

仲有個鐵閘，好易睇得出，
自然身故單位，係咪破門入去，
呢個位鋸走條鐵，
係剛剛好伸到雙手入去開門，（圖三、四）
佢鋸完再補，實睇得出，
甚至好似呢間咁唔補返，就咁油油就算。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

MoonHeiYuet

回應 #105 fortesting

我攞呢座做例子，
最原裝，無劏房，單邊單位無駁長

A. 30.0X平方 賣樓實用357呎
B. 30.8X 平方 賣樓實用377呎
C. 36.6X 平方 賣樓實用439呎

A、B 都係 2-4人單位，
仲應該不嬲係假2-4人單位，
幾條邨保安都話3人單位，
唔同工字型細單位，
常有保安/街坊叫2人單位，
早期入伙時，遷拆戶自選單位排得早，
就或者2人揀到咁大間。

C 我唔記得係咪 4-6人單位，
B 同 C，有少少第一代工字型，
俾街坊鬧，單邊兩個單位，細果間2人，
大果間多條長走廊，就派5人，呢個影子。

兩者間到的房間數目一樣，
廳只係長少少，室內唔多覺，
大了的位，主要大在廚房同露台度，
正有第一代工字型大單位，得物無所用的感覺。

B 單位實用過A，但衰在冇露台，
同埋鋅盤同灶頭隔得遠，又怪又唔方便煮飯，
亦係唯一一款非劏房，
不設鋁製可摺埋的露台防盜欄連晾衫架，
呢個晾衫架，我認為亦係相連長型賣點之一。

A 同 C 門口送果個空間，
好細個，只擺到鞋架仔；
B 就非常大，擺到一個大櫃，
仲可以好鬆動咁行入屋。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

MoonHeiYuet

回應 #109 fortesting

A型有個唔係咁舒服的地方，
就係走廊尾轉彎，再行到好入先到門口，
跟住兩個門貼到實（隔離非劏房），
如果隔離劏房仲衰，三個門泊埋一齊，
劏房好多奇怪人住，成陣味，又擺雜物出來。

當然，純計在單位裡面，
我都係鍾意A多過B，
我鍾意開放型走廊通爽啲，
同埋可以廳房都有窗，又有露台。

B型除非你喺大門隔離，
間一間黑房，否則就一定黑廳；
同埋普通遍隔離左右單位，
無咁自覺，會有較多雜物擺出來，
可能不在開放式走廊，不怕日曬雨淋關係。

C 我數漏兩樣，
第一，個露台凹得太入，
個天井太深，唔透光、唔通風，
根本晾唔到衫，
而且感覺會成陣味、唔衛生，
連帶廁所個百葉窗，你根本都唔會打開，
呢個亦係B同C的缺點，冇鐵窗/鋁窗，
得好細個的百葉窗。

第二，廚房好多人，將抽油煙機條排氣喉，
在面向走廊的百葉窗，噴出走廊，
再加上好多人，又將冷氣裝喺大門隔離，
變相冷氣、抽油煙機一齊噴。
（亦變相你住A，要經過呢啲因素先返到屋企）

所以我認為，C型呢款，
除了係大在唔太用得著的地方外，
仲係設計同環境因素最差，
果款相連長型非劏房。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡