兩個月期限…搵唔搵樓下承仔好呀？

Rose88

兩個月期限…搵唔搵樓下承仔好呀？

剛剛去律師簽契，收咗收樓信，要約蝶翠苑管業處攪收樓手續，我未搵裝修師傅/公司，需唔需要搵咗先？抑或入咗屋睇吓先？
我打算搵樓下承仔(樓下裝修公司)做！好似平啲，但係款式又唔係講得好清楚，仲有叫我揀後面啲磚，有啲唔係咁啱心水，若果外面買，叫佢哋整，佢話可以減$2000。
問佢哋係咩磚？其實都有心理準備實係大陸磚，但係個職員都支吾以對，連係咪大陸磚都唔講實！
我淨係做牆做地磚，間兩間房，傢俬自己買，但係又咁急趕2個月內攪掂，咁係咪就樓下承仔？抑或搵出面啲裝修公司呀？

劉hoipan

想問下，香港有磚吾是大陸來的咪。香港有生産磚，還是進口貨，我個人覺得真是有進口貨，應該都吾是住公屋人買的。

yamasia

佛山嘅磚絕對係好嘢~ 記得要搵“優等品”~ 呢個等級嘅磚質量係最好嘅~

zooeleddhh

用人不疑,疑人不用。搵另一間吧,
好多承仔都是每個部分加你錢的,
現在還沒付款也那麼沒誠意,
一旦付款後就更不會理會你了。

2heidi

回應 #1 Rose88

建議你睇咗樓，才決定是否間2房。
因為廳細，但廚廁相對大。如果唔大裝修拆廚廁，未必間到2間。間到的話房都係好細?，廳也細。

PP448

大部分裝修用的都係國內磚, 唔好第一反應就一定有問題, 睇係要睇件貨物本身, 外國磚一樣有劣品
新填地街好多賣磚, 廿幾蚊到百幾蚊一塊都有, 自己去行下睇下,  正常自己買得好, 一定比裝修包料果D靚
另外, 自己可以計一計數, 承仔收你咩價包你D咩, 扣番佢自己要賺$, 你都大概估到俾D咩你, 呢個心理準備要有
如果又要平又要靚, 唔係一定冇, 不過要你好好彩囉
建議如果身邊朋友有裝過修, 你又睇過OK, 咁樣用番會相對會穩陣D, 當然亦會有唔熟唔食情況...

karyalex56

我上次見到有意大利地磚200蚊一塊

hlce1317

見人見智

yamasia

回應 #9 karyalex56

有朋友從事呢個行業~ 透露好多外國牌子其實都係大陸代工~  

奀皮仔

親戚一早搵左了, 有幾多人會搵樓下...
自己住果到D承仔,黑得黎仲上埋新聞...未慘夠咩