轉區後計錯數..人算不如天算

Billy0304

轉區後計錯數..人算不如天算

原本申請市區4人，上年11月見皇后山開派，於今年2月7日轉回新4，諗住避開皇后山，可以於5-6月首派到和菁，點知到自己派時剛好撞正7月頭-13號的舊樓開派，11號收信，偏要派40年井型大埔俾我，本身住元朗，如果遲多3日14號收信就有機會派到菁信或天水圍。隔離屋的街坊4人首派皇后山拒絕，然後遲我3日14號收信2派菁信，好運到呢。心裡面真係乸住乸住。

Lingb12345

我同你情況差唔多，避開皇后山，計到岩岩好和田開派，諗住自己係隊頭冇死啦！點知佢混合派，派到皇后貨尾，但我所有親人朋友都係屯門，住左39年啦！等二派見到同日轉拒絕，入隊派到菁田，自己派舊樓，好彩係友愛地區合適個景又靚又方便，之前都個心唔舒服，但睇開了，各有各的好，講真友愛只係舊少少，但全部都係優點，菁田只有新！冇其他優勢，重要對墳墓，唔係個個人住得到！加油祝你下派心水！

may67

不是你操作，不能話計錯數。成功如願都要靠運氣，但要預五十五十，無可能百分百

Kevin517hk

何必自責 天意如此

woleelee

明天會更好，不要灰心

Die蝶

唔使甘悲觀嘅，派到未必好，派唔到未必唔好，我剛開始心態同你一樣，原本以為和田開派實中，點知派曬和田我都係冇機會，諗到和田冇菁田應該有機會，點知我地同期申查個批一部分派菁田，我又派去皇後山，諗住拒絕皇后山應該有得執菁田貨尾吧!又係同期拒絕皇后山個個歸曬隊二派菁田尾，我宜家先來歸隊，知道冇曬希望嘅啦！接受命運安排，一切隨緣。

Amycheung

命裏有時終須有，命裏無時莫強求
祝樓往下次中心水

Li51613279

回應 #1 Billy0304

明的?

wj667034

祝下派心水

lo1997ng

回應 #1 Billy0304

我同你情況一模一樣，偏偏唔中菁田，我係住54區，由我2015年申請公屋，睇住第54區收地丶打樁起樓嘈足七年，終於和田丶菁田落成，心諗我都好大機會派呢區，結果12號轉S4大部份人派咗菁信，偏偏我就派舊樓，仲要派到咁遠，只能怪責自己太遲轉返嚟，當日收信拆開信知道派大埔大元邨，心情跌到谷底，整個下午已經冇晒心機工作， 第二日越諗越心噏，忍唔住喊出嚟， 到而家個心都係未平復，好擔心下次二派唔知派去邊， 現在只能希望我哋二派派得心水。