31/5委員會會後交通討論或其他區內交通討論

isar

31/5委員會會後交通討論或其他區內交通討論

我發覺呢度無乜人討論議會內既野，一於就係度講下等大家知多D發生乜事。

在會上其他事項，經譚議員第一位追問下，議員再重覆譚議員說話後，
運輸署指會在下次會議上提交交通服務文件，
而下次會議則於7月26日，即是說又要等差唔多兩個月。

好啦，既然件事發展到咁，即管等下啦，唔等都唔會有結果，鬧、討論都無用。
時間就不停浪費，3月已經話要追，5月交唔到功課，如果7月都無功課交，我建議你地譴責運輸署。
或者咁講，5月運輸署交唔到功課，你地都應該要鬧佢，放議員同我地居民飛機，下次再放飛機又點算?
放下放下就半年，委員會2個月先開一次會，根本就不能急巿民所急。

不過等之前，請議員先再一次關注14B服務。
根據九巴資料14B服務

特別資料 :
星期一至五7:00am有特別班次由彩福往藍田(廣田邨) 。( 假日及學校假期除外 )

學校依家考緊試，之後放暑假，相信好快會停開，唔知道14B能否繼續在暑假服務居民?

第二，側聞你地交運會開會前，好興在開會前黎返場pre會傾左野先，
可惜甚麼pre會內容不會錄音，即係口同鼻拗。

要求唔多，剩係想區議員在收到三彩交通新方案後，請先諮詢居民，包括擺街同埋貼上黎俱樂部，
你地有咩意見交上去，都應該先得到居民支持，即係又係做諮詢。

9號同14B試車唔成功，未能再增加班次，反映兩線服務與居民的期望有距離。
兩條線都途經旺區熱點、包括觀塘巿中心、旺角及尖沙咀，唯客量仍然不多，明顯出現嚴重問題。
相信有事前諮詢居民，
收集意見、包括行車時間、途經地方、班次、收費後，往後試車才有機會成功。

彩褔往觀塘區外巴士線是需要直出觀塘道，唔應該左兜右兜，
呢個係我既要求，亦都講過好多次，請你備悉居民意見。

仲有，為免再引起爭拗，(雖然都唔關我事，不過有部份人好鐘意A字膊)
我建議議員回覆個陣，講埋邊D內容係議員既意見、邊D係你地民記意見，邊D係運輸署、其他區議員意見，
令居民容易參考，唔會再鬧錯人。

顏汶羽

我備悉你意見，謝！

isar

其實都想再確定，24號係咪真係一D改動空間都無?
究竟係九巴、運輸署唔肯，定係有他區區議員惡晒話唔比改?

顏汶羽

回應 3# isar


    你不是很熟悉文件的嗎？24會改為服務啟德新區，是九巴的意見

isar

回應  isar


    你不是很熟悉文件的嗎？24會改為服務啟德新區，是九巴的意見
顏汶羽 發表於 2012-6-3 12:17:28

你會唔會誤解左我意思，我講24既改動空間，係拉上彩褔。
我夠知九巴更改24行啟德，但以往九巴有無對於建議24上彩褔有任何意見?

定係各方從來無考慮過24上彩褔方案?包括你地黨、運輸署同九巴。

就算24唔上黎，FINE，搵人複製一條彩褔版既24返黎特快往返旺角都係合理要求。

fc_pga

回應 4# 顏汶羽

九巴意見又點? 家陣九巴大晒?
啟德只係過一條馬路就可以行出去采頤花園個站搭車,
就算我地而家話想成條24搬上山, 行太子道東唔行啟東道, 一樣都做到啟德班客架喎.
而家係咪話九巴建議24行啟德, 大家就企定晌度唔使做野?

所以你地點解唔去爭取下, 點解啟德可以安排巴士線繞經或者拉入去,
反而更唔方便既我地無同等待遇?
定係因為你驚麗晶啟業反對, 所以連私下講數都唔敢去做?
人地根本都唔搭24, 根本就唔應該俾人生人霸死地.

去旺角線真係要直出唔兜得, 我接受到既, 一係就係24成條搬上山,
一係就係2A來回經彩盈, 回程經彩福, 任何比唔上呢兩種方法直接的路線,
都只係敷衍我地居民, 我好難接受.

顏汶羽

又係你叫我列明係邊個既意思，我列明你又問我係咪九巴大晒，你地咁得意既。

我有爭取，九巴唔肯，佢係咪大晒，我唔知。

我備悉你兩位的意見。

fc_pga

回應 7# 顏汶羽

咁九巴有冇講點解唔肯?

handty

回應 7# 顏汶羽


議員,
雖然果2位街坊對你窮追不捨, 但身為服務街坊既人士, 你文字上既語氣開始令人反感, 留意留意...

彩喜比利

D 問題又再"還原基本步"