見完主任...離島公屋的輪候情況

mynameisbryant1

見完主任...離島公屋的輪候情況

大家好，我編號係G142xxxx，同長者一齊排「天倫樂」，上星期五，11月26日已經見完主任，主任話文件大致上已齊全冇問題，如無意外，會好快進入下一階段。但係我想問一下，按離島近年冇新公屋落成既情況，過完S1(見主任)同S2(審查通過)之後，係咪個進度都會好緩慢？大約要等幾耐？
我睇其他帖既朋友話離島供應好緊拙，咁樣既話等3至4個月？會唔會再耐啲？好想快啲拎到間屋，但咁樣等法好似就算過完S2都有排未有屋，唉好擔心！

donut2024

應該得大澳比較多

WINKYCHAN

排除大澳供應的確係幾緊張，未必會好慢，因為大澳有供應，但三派大澳又係死……所以好多人審查完又係逼住轉區等等等……其他三島真係好難中……真係想要離島的可以講有出冇入……長洲呢兩年特快都係得同一個自然身故單位，特快都係咁，正常單位就更加少少少

mynameisbryant1

回應 #3 WINKYCHAN

三島係指長州、坪州同埋？
咁梅窩呢？梅窩係咪都係好難？

唉，咁睇怕真係要三派大澳了，慘。但係我諗如果頭兩派係大澳既話，如果居住環境唔係幾理想既話，都係唔會要住，等三派！

WINKYCHAN

回應  WINKYCHAN

三島係指長州、坪州同埋？
咁梅窩呢？梅窩係咪都係好難？
唉，咁睇怕真係要三派大澳了，...
mynameisbryant1 發表於 2021-11-29 16:00:22 原文

長洲 坪洲同埋梅窩，南丫島係冇公屋……梅窩4人之前有人中過，但真係少之又少，同埋好似話梅窩得4-5人大單位，2-3人係冇供應……

WINKYCHAN

回應 #4 mynameisbryant1

二派離島都係大澳真係……得返一派轉唔轉區壓力都好大……

mynameisbryant1

回應 #6 WINKYCHAN

咁想問最後一派先黎轉區，程序上會係點處理？係咪所有既審查程序重新開始過？
佢係咪只限轉一次區？

如果到最後係大澳都冇辦法既，都要硬食，畢竟住屋需求逼切。

mynameisbryant1

回應 #3 WINKYCHAN

咁如果按你既講法，大澳既公屋供應其實唔係短缺，一般黎講，如果審核成功、文件冇問題，大約會等到幾耐先可以正式入伙？
「長洲呢兩年特快都係得同一個自然身故單位，特快都係咁，正常單位就更加少少少」。想問邊度可以睇到呢啲有關離島公屋既編配進度既新聞同最新消息？我上網唔係幾搵到。

WINKYCHAN

回應  WINKYCHAN

咁想問最後一派先黎轉區，程序上會係點處理？係咪所有既審查程序重新開始過？
佢係咪只限...
mynameisbryant1 發表於 2021-11-29 16:17:00 原文

無論本身係邊區/第幾派，程序都係一樣，只要你終極未收信都可以網上轉區，轉完都係照跟返NO.排;唔會限你轉區次數，不過每人都係三派(除非問題單位)，你二派轉唔轉區都係得返一粒子彈，只係轉出離島一定係要等，然後就睇係終極好唔好彩，因為邊區都有骨……

WINKYCHAN

回應  WINKYCHAN

咁如果按你既講法，大澳既公屋供應其實唔係短缺，一般黎講，如果審核成功、文件冇問題，...
mynameisbryant1 發表於 2021-11-29 16:20:12 原文

唔係新聞，係每年特快都有張LIST，呢度好多人分享UP上來，你可以去特快區舊帖度搵就有;因為我之前係住長洲，上樓前一刻都仲諗緊揀唔揀長洲特快，由幾年前十幾個到兩年前得返一個……有入冇出，除非屋主走咗……