申請邨內調遷..房署家訪會做/問什麼？

靖怡軒

申請邨內調遷..房署家訪會做/問什麼？

係唔係有好多問題要問？

麻煩知道的朋友答下，多謝?

MoonHeiYuet

房署租約事務處—房署事務主任
你樓下邨辦（管理處）個房屋事務主任
一個保安

三個人上來，房署個主任，會叫樓下邨辦個主任影相，證明佢來過家訪。

問就冇咩特別野問，最多都係問下邊個平時瞓邊度，有冇其他信件補充，正常5分鐘內會走。

處理你調遷申請果位，係房署個主任，
樓下邨辦邨管理處個主任，
只係代理/中間人角色。

我十年八年前，申請果時就係咁樣，而家唔知有冇唔同。

靖怡軒

...
MoonHeiYuet 發表於 2021-11-26 15:36:55 原文

多謝?

靖怡軒

回應 #2 MoonHeiYuet

請問下，咁家訪完幾耐有信知道批唔批呢

MoonHeiYuet

回應  MoonHeiYuet

請問下，咁家訪完幾耐有信知道批唔批呢
靖怡軒 發表於 2021-11-26 15:40:04 原文

我當時家訪完，一個月左右，房署個主任打返來，話佢上頭唔批；
但佢好好人，信我地真係有需要，佢話會幫我地諗辦法，叫我地唔使擔心。

佢最後逼個社工寫信推薦，跟住兩三星期左右，主任打來，話批咗，但房署資源緊拙，叫我地耐心等候。

我地係醫生信都出過幾封，房署次次話唔得，我地都交得出佢要求咁寫的醫生信，所以個主任最後信我地真係有需要，唔係濫用，後尾好肯幫我地，一開始佢係好官腔的。

社署社工，就不停耍太極，開頭話房署同意我地調遷，佢會推薦；後尾房署話唔得，佢就即變面，唔肯寫，仲冷言冷語，話我地冇需要。

房署個主任，收到我地交到，合佢要求的醫生信，就咁用封醫生信，同我地申請，被上面拒絕，話冇社工推薦；跟住佢唔知用咗咩辦法，逼到個社工肯寫信推薦。

靖怡軒

我當時家訪完，一個月左右，房署個主任打返來，話佢上頭唔批；
但佢好好人，信我地真係有需要，佢話會幫我...
MoonHeiYuet 發表於 2021-11-26 15:50:40 原文

咁麻煩啊！我還以為家訪完就差唔多可以批呢！唉?‍?我呢個無知會唔會批了

MoonHeiYuet

咁麻煩啊！我還以為家訪完就差唔多可以批呢！唉?‍?我呢個無知會唔會批了
靖怡軒 發表於 2021-11-26 16:02:56 原文

家訪只係代表，房屋個主任睬你地，接受你申請咁解。
不過一般有醫生信+社署社工推薦，都會批，
只係唔知要等幾耐先有得搬。

靖怡軒

家訪只係代表，房屋個主任睬你地，接受你申請咁解。
不過一般有醫生信+社署社工推薦，都會批，
只係唔知要...
MoonHeiYuet 發表於 2021-11-26 16:10:11 原文

我呢單麻煩就麻煩在醫生開始寫咗病情確認信，房署話最好就寫埋需要大空間呢啲字眼，醫生就又寫埋叫房署有麼想知道的寫卑佢剔同簽名的信，社署果度都係話要有張房署的轉介信先出到信卑房署，醫生同社工都係話醫管局、社署、房署有約定依家係咁樣做，依家我交咗申請信、醫生確診信、複診紙、醫生要求房署寫信果封信、醫生寫卑學校社工信卑到房署，學校都答應會出封信卑我交，家庭社工同議員都話會幫我跟，咁樣機會會唔會大啲呢？

MoonHeiYuet

回應 #8 靖怡軒

我地果時，就係之前醫生寫，需要較大空間，房署唔接受，要醫生寫明，「額外計多一個人」呢個字眼先得。

醫生都猶疑一陣，先肯幫我地寫得咁直，寫明計多一個人，佢話佢地好難咁寫，不過見我地近排的確病情有惡化，成日要提早返來覆診攞藥/加藥，佢幫埋我地呢次啦！

我地因為唔係，房署寫明可計多一個人的類別，所以房署話，一定要醫生寫明，計多一個人先得，唔可以淨寫要多啲空間。

你地正常好過我地果時，就咁睇，社工房署都冇留難你地，信就當然越多越好，議員果啲，好過冇咁囉

jack_wg