對寶田的小小感受

Sandyyau42

對寶田的小小感受

小妹20號囉左特快，揀左寶田，結束左11年既長跑，即日向各方親朋好友報起，結果收返黎既都係，寶田廁所細，舊樓，治安唔好，一大堆既負評，小妹呢幾日過左4點就會睇睇特快個list，每日都小幾頁，重點係寶田，其實實田除左個廁所無新樓個啲咁大，感覺上真係唔係太大問題，小妹揀左寶田第四座，今日睇到第四座已經得返一個低層單位，心裡突然感到安慰，其他有幾多真係明白，當你幾十年都係交緊好貴既租，衣食生活都要就住就住咁做人，個種痛苦，今次房署特快開到4千幾5千，寶田應該多返好多人，我相信寶田之後感覺好好多，其實對真正有需要既人黎講，有間公屋，已經勝過一切，可必嫌三嫌四呢？我明白有啲人住開個區，好自然好想揀自己生活開個區，特快其實算係一個唔錯既選擇，又要馬兒好，又要馬兒不吃草，大佬呀，你而家係租緊廉租屋呀?唔急住要公屋既人唔該唔好阻住個地球轉啦，比個成千尺既半山海景你好唔好？發夢都無咁早?唔好意思，小妹發完癲了，祝願大家都可以派到第一志願既屋，亦祝願各位同我一樣揀左寶田既朋友住得開關心心，寶田既治安，其實都幾依賴居民既幫助去維持，多謝大家晒時間睇完小妹既千字發癲文章??

ada1699

恭喜！祝安居樂業！

chriszhenyb

梨木樹（走廊氣窗)，寶田（轉唔倒身的廁所)，都有幸住過，其實寶田地點，購物，交通，街市幾間，校網，空氣，全部都一流，唔算舊，講真。唯一就是廁所，已經算係好好的公屋啦。所以他並無列入屯門三寶，哈哈。我覺得寶田唔錯架。

ineedhouse

自己鐘意就可以了
若果親朋好友有本事買得起私樓，講吓你間公屋有啲咩缺點就少不免
始終佢出得起錢買私樓，揀新樓、屋大、配套完全、治安好...完全無問題
佢地拎自己嚟同你比，一定將你比下去。
但住私樓既，永遠都唔會講，佢月供幾錢，你月租幾錢...
聽下就得，唔需要太認真

Jody1017

恭喜樓主，可以早日脫苦海，只有切膚之痛的人才會明白， 我都係特快揀别人口中嘅千年骨，不過我自己就非常滿意，預祝大家搬遷一切順利

firehung2003

想知取匙未

Sandyyau42

回應 #6 firehung2003

未呀

1322king

firehung2003

回應  firehung2003

未呀
Sandyyau42 發表於 2021-10-29 18:02:46 原文

我都未

babyjoyce620

恭喜，
善心一提，治安問題真係要上心，我細個係附近讀書，當時都有道友係附近，若有小朋友要睇緊小小