租置果815間,
三十平方以上,都話幾差都實有人接受到;
但廿幾平方的開放式,
三人以上的家庭,基本上唔夠住,
會有人太換細?
兩人家庭,派到呢啲,都猛咁話骨唔肯要,
而家居然肯用自己間新屋,出錢換舊自己?
如果本身住緊同款舊樓,
如果地區/樓層好過而家,都或者有人會咁換,
又或者綠表資格證明書,兩人都有部份會買。
十幾平方果啲,兩個人根本唔夠住,
邊有家庭隊會買?
所以招國偉話,估計呢次會售罄,
都唔知佢點吹得出來 ??♂️
反而呢次最大得益者,應該係單人隊就真,
因為果三百個配額,只扣綠置居,揀租置唔扣;
因此只要排前面的人生性,
唔咁快揀到第三百間綠置居,
咁佢地就可以繼續買到租置細單位,
甚至家庭隊揀剩的廿幾平方租置,都仲有機會。
但始終十幾平方果啲,細得太誇張,
就算單人,都未必太多人,肯用公屋換,
除非又係綠表資格證明書,
所以最後都,未必賣得晒815間。