|
心情動態：
來自非公營房屋 |
|
||
|
祝未上樓朋友早日上心水樓；祝已上樓朋友安居樂業！
如果大家有任何疑問或分享, 建議大家在適當分區建立帖子｡
|
|||
|
心情動態：
來自非公營房屋 |
1人單位邊到都細架啦  葵青區，一人單位，最大應該係 石籬一邨 石寧樓 42室， 舊長型 B單位 18.2 平方米。 呢條邨兩座 舊長型， 得 石寧樓 有 B單位，石秀樓 係冇的。 其次應該係 麗瑤邨 榮瑤樓 小型單位大廈 17.14、17.56、18.19 平方米。 其餘屋邨，我冇詳細睇， 跟住最大應該係， 較早期冇冷氣臺的和諧式，17.X平方米左右。 順帶一提，千祈唔好寫 長青邨 落去， 長青邨 有一人單位， 不過係 康祥樓 康順樓 兩座 Y1型大廈， 一個單位分為 A B室， 要共用廚廁，租給兩個不同人的劏房； 雖然呢兩座樓，先剩低幾間呢啲單位， 仲未還原做一間2-3人單位， 但如果有間係，一半吉，一半有人住， 佢冇得還原住，可能仲會照派。 |
||
|
|
|||
|
心情動態：
來自非公營房屋 |
咁都有較大同較細嘅
|
||
|
renemystina
|
|||
|
心情動態：
來自非公營房屋 |
除左長康之外其他都知，反而希望當事人唔會覺得仲有機會派20幾平方米就係 15分鐘後冇得編輯，真係好麻煩，打錯都冇得改 講開呢啲共用廚廁劏房， 最開始可能係，果個年代冇1人單位供應而劏。 最近發覺，好多 Y1 都曾經咁劏， 但大部份已還原； 如果本身用鐵窗的， 劏房會用鐵欄，沒有玻璃窗。 利東邨 已經全部還原， 從維基寫個最細面積，係細過Y1個面積， 同唔記得邊度睇過，應該係入伙前寫的， 話1人至9人家庭的單位都有供應， 從而估計到，利東曾經有咁劏； 加上我見過利東Y1， 有間平台望到入去的單邊吉房， 個開放式廚房，幅矮牆上面，多咗三排百葉窗， 估計以前係廚房係非開放式，用鐵欄+有門， 即劏房標準；可能還原做2-3人單位時， 只拆廚房門+換鋁窗，保留了百葉窗。 舊長型 都有咁劏，主要係較後期落成的大廈。 竹園南邨 三座，翠屏北邨 翠桃樓 都有； 而早期落成的 東頭二邨 康東樓 亦有，不過只剩低一間。 竹園 同 東頭，係分 A/B室； 翠桃樓 就獨立門牌，獨立大門， 固定於左右兩邊， 最近電梯大堂果四間，一開為二。 石籬一邨 石寧樓，冇 41室，直跳 42室， 有機會 40室，曾經係用 翠桃樓模式做劏房， 不過已經全部還原，或最終從來冇劏過。 竹園 冇上過去，唔知有冇獨立大門； 但 康東樓 就冇獨立大門， 行過完全唔知係一開二。 另外，翠桃樓 同 康順樓，好明顯見到， 有個別單位，係用鐵欄， 但 竹園 好似唔多覺，有單位係用鐵欄， 下次經過再認真睇下先 ? 不過後尾又發現， Y4型的 東頭二邨 振東樓 貴東樓， 亦有呢啲共用廚廁劏房，分 A/B 或 A/B/C室， 門口又係完全睇唔出，入面一開二或一開三。 我係因為，有排成日夜晚經過， 見到好多間同室號，唔同樓層的單位， 都係得一間房著燈； 而日頭睇，另外一兩間房，入面係吉嘅， 跟住去查面積個網睇，原來係劏房。 呢個真係非常不解，明明本身同座， 已經有 16.57平方米，1-2人 獨立廚廁劏房， 同邨 相連長型，亦大把 獨立廚廁劏房； 點解90年代，仲要喺果兩座Y4， 整返呢啲共用廚廁劏房出來？本留言最後由 MoonHeiYuet 於 2021-10-13 00:33:26 編輯 |
||
|
|
|||
