佢話係想影自己屋企門口防爆竊 唔係影我
但你出來的結果就係影到我呀嘛
痴線，又話我係咪驚被人影到偷食，唔俾人錄住門口
之後又話唔係身有屎都唔會企人門口超過15秒，
癲癲地，你試下由入鏡到開門返入屋要幾耐先講野啦
呢啲係私隱權 唔想被人影唔得㗎
全世界可以唔俾意見 但我住你對面 你影住我
我絕對有權出聲
唔係講緊房屋署規定呀 係講緊法律上的私隱權
佢影我日常生活習慣 出入屋企時間 屋企幾時空屋
我一個女仔獨居，又唔係同你好熟，有人知道晒唔驚架
係人都知大部分犯罪行為都係d唔熟又識既人所為啦
你擔心財產安全 我擔心人生安危呀
仲企系道德高地 話為我好 唔需要我另外俾錢裝 益咗我咁話
癲癲地 幾百蚊我自己畀唔起？
我係同佢堅持到底㗎啦
主任話阻止唔到佢裝
但暗地裡提我等佢安裝後私隱感到威脅可以報警 :)
我好落力咁揾料 終於喺Fxxxbook揾到料
都一樣係受害者被對面裝貓眼 24小時對住
佢每個月都報警，
每報一次就要對面屋交片查片入警局落口供，
當佢報左n次，最後專登等到年初一都報警，
對面屋唔想再入警署，同佢和解永久拆除??
無錯，未必告得你入，但可以煩到你死
我問過做法律嘅朋友以私隱權受威脅報警係work嘅
更何況佢個cam正對住你屋企門口 影晒你出出入入
我專登寫出來分享 就係俾建議有同樣煩惱的人
唔好睇google論壇個d一面倒裝cam無問題的post
始終公屋設計係門口對門口
要尋根究底問法律意見 唔需要揾邨辦/管理處
況且好人的主任先會暗示提你係有權報警察
但住得公屋 大家都唔會短時間搬走
朝夕相對 撞口撞面
可以的話 就最好盡量雙方自己傾掂數啦
