香港寬頻安裝, 谷鬼氣.....

christmas222

香港寬頻安裝, 谷鬼氣.....

貪平裝左香港寬頻真係一肚氣...簽約果時就咩都得, 我申請果時係一月份, 但係我同個Sales講明唔知幾時入伙, 所以唔知幾時先開始好, 甘佢同我講暫定3月1號喇, 暫時寫落張單度先, 佢話可以改, 甘我咪是但囉, 一心可以改既就由佢, 好喇, 簽約果時佢話因為好多人裝, 唔知有無線, 叫我未裝修前可以安左電話線先, 廢事到時候無線, 服務就3月1日先開始, 甘我都無所謂, 甘咪一月尾裝左電話線, 等到入伙安埋電視先比佢地再黎安機頂盒睇電視……..一直到二月尾, 我見我間屋仲有排都未裝修好,甘我咪打去改服務生效時間囉, 點知佢地話只可以改前唔可以改後, 有無攪錯呀, 申請果時又話可以隨時改, 原來佢所講既只係提前, 為左做生意甘都得, 講真呀, 新居裝修, 有幾多人會知確實個入伙日期呀… 仲要比個customer串, 話張合約度寫明只可提前唔可以延期, 成張合約細細幾百隻字…..有邊個會去睇呀, 無耐接受喇, 咪比多個幾月月費錢囉, 成個幾月都無用過佢服務, 白比錢…

christmas222

仲唔止甘, 上個禮拜一我打去約裝機頂盒,果位同事同我約好晒星期五4:30-6:30上門安裝, 係電話度都確認埋地址, 仲要上次佢地都黎過裝電話線…又話CF上黎屋企前半小時至一小時會打比我confirm….到左星期五我咪四點到新屋….等等等….等到六點都唔見有CF打黎, 我打左起碼十次電話先終於打通所謂”顧客專線” 有人聽, 佢地答我竟然話見度有安裝既order, 但係因為另外部門同事疏忽, 係安裝前兩日無打比我confirm地址, 所以CF無黎裝…….我火都黎埋, 有無攪錯呀, 之前都裝過電話線, 預約安裝果時電話已經確認左地址, 仲要咩打多次黎confirm, 玩野咩, 等我無喇喇專登過去新屋, 工都唔做, 等足兩個鐘, 我唔打去問都唔知原來係唔會黎,.真係一肚火呀尋日有個客戶投訢部follow我既case, 佢地同我再約時間安裝, 賠償四月份月費唔洗比, 出手真係低, 我半日人工都唔止果$150喇, 仲要再約時間安, 又要浪費半日時間……我話佢地好無誠意…..再打番黎話免我多一個月, 不過係要合約完左即係第25個月先免費比我….超cheap呀, 我唔接受呀, 我宜家仲等緊佢地覆………….

agnes

咁我都係裝好修先叫寬頻來安裝啦，費事出事。

頭文字

緊係搞掂晒，先去申請麻，包佢第二日即刻上尼同你裝都得

flora9

可惡

ming明

alochai04

yee

過份

christmas222

緊係搞掂晒，先去申請麻，包佢第二日即刻上尼同你裝都得
頭文字 發表於 2012-4-17 15:02:20

佢果時昆我咩驚無線, 要霸左線先, 我先中招咋

christmas222

咁我都係裝好修先叫寬頻來安裝啦，費事出事。    本帖最後由 agnes 於 2012-4-17 ...
agnes 發表於 2012-4-17 14:54:11

係呀, 唔係好似我甘, 成間屋未得, 但係又要比錢, 白白浪費...........