|
心情動態：
來自彩盈邨 |
搬屋心情、大上大落！
未知蘇屋要拆前 - 無乜問題，因為都住左28年，習慣晒，邊條樓梯有幾多級、搭既時間剛剛夠我綁鞋帶、用咩步行速度行就可以就o岩晒D綠燈…………全部都知！
政府公報清拆後 - 聽到後好開心，因為可以有新屋住，但係都諗住仲會住多幾年，等第二期清拆（約2012年）先走！ 望住對面樓 - 有時放工夜晚返到屋企走廊，望過對面樓，會唔覺唔覺又搬走一戶、唔覺唔覺又搬走多一戶，心情越唔捨得蘇屋要拆，越唔鍾意睇住一戶一戶咁搬走，所以決定申請提早調遷！ 揀樓當日 - 好興奮、好開心，距離住新屋又近一大步！ 簽約當日 - 最開心，好心急咁捉住亞爸簽約，唔好簽錯簽漏任何野，阻遲左搬新屋！簽完約即刻衝上新屋，心裡盤算點間房、點裝修……….. ，咁巧合對面單位同日簽約，仲已經搵左樓下承辦商開工，工人都已經上緊磚、英泥、沙咁，效率好快，落樓下傾下就幫趁左佢落埋訂！跟住去宜家、實惠、直銷中心、翡翠、特格………總之差唔多係傢電既鋪頭都行下咁啦，跟住就出旺角買地磚！總之全日就好雀躍啦！ 簽約當晚 - 再上新屋，已經上晒料，預備開工！ 裝修期間 - 差不多晚晚放工都上去睇睇進度！好興奮，因為睇住間屋開始成型，心諗就快有新屋住、就快可以有自己既房（咁耐以黎都未有過一間自己既房，一直都係訓廳）。 裝修完 - 自己好有心機上去DIY好多野，希望整靚間屋！ 人在蘇屋 - 開始唔捨得，但係經歷左大熱天時壞冷氣、壞飯煲、爆水喉、爆玻璃………. 等等既事，我突然好嬲、好憎呢間舊屋，好想盡快搬走，繼而打爛晒所有野………. 最後一次搬屋（19-10-2008） - 搬緊既時候開心番好多，但係都無唔捨得，直至拆床送俾皇妹時，一路拆張床一路好唔捨得！ 19-10-2008皇妹家 - 幫皇妹裝番張床後，好開心張床可以回復原貌，它總算可以逃過掉去堆填區既命運。 呢幾晚 - 自己夜晚都會上蘇屋執埋D濕碎野，有時會坐係度望住間屋、有時會企出走廊、有時會企係露台，諗番好多野，越黎越唔捨得！ 後晚會係我最後一次返舊屋，有用既傢電都會送晒出去，無人要或者無用既，就會留低，我總算親手送「佢地」一程！ 24號會交還舊屋，結束28年同蘇屋既感情！ 而蘇屋亦都功德完滿，會係幾年間被移為平地，結束佢差不多50年既生命！ 我會永遠記得蘇屋！  [ 本帖最後由 亞力山大帝 於 2008-10-22 12:48 編輯 ] |
||
|
|
|||
|
心情動態：
來自彩盈邨 |
大帝, 你的文章好感人
 , 原來聊天室見唔到人, 走來呢度寫作.
|
||
|
感恩! 我們活着很好!
|
|||
|
心情動態：
來自彩盈邨 |
大帝, 知你好唔捨得蘇屋, 不過你搬左嚟彩盈之後一定會更開心架....
|
||
|
|
|||
|
心情動態：
來自彩盈邨 |
原帖由 pegpeg 於 2008-10-22 12:37 發表 同意, 
|
||
|
|
|||
