回應 #17 Yaka
第一,你完全錯重點囉,阿姐!
個問題唔係你拜四角,而係你講到好似唔關你事咁,間屋係你架,喺你屋企發生任何事你都有責任架。仲有呀,而家你影響到人呀。
第二,隔音差唔洗讀樓宇設計先知架,除非你聽力有問題啦。
第三,正常人都會知道夜晚要靜啲,唔好騷擾到人地休息。返唔返工都好,夜晚都總要訓覺掛。無人話叫你24小時靜音咁極端。只係希望你企喺人地既角度,諗下咋。
你口口聲聲話要多d包容,多d溝通,想大家左鄰右里,相處融洽。又話有咩可以三口六面講清楚。你咁既態度人地點搵你傾呀,你講到自己一啲問題都無咁。
有返少少同理心,唔好以為自己大晒,想點就點。體諒下其他人,咁先到係你口中既融洽相處呀。
講真件事唔關我事,只不過我路過見到有鄰居都同我一樣有啲咁自私既左鄰右里,所以有感而發。