樓下個post想點
https://cyclub.happyhongkong.com/viewthread.php?tid=296178
大家好,我就係樓主所講嗰戶單位
首先我想澄清呢位樓主所指喺走廊散步呢點,大家所指嘅散步係點我唔知,嗰晚我就係帶住個小朋友想落樓接我先生,夜晚11點幾無咩人部lift好快就到,一開門我先生上咗嚟,咁跟住我哋就入返屋,成個過程1分鐘都冇,咁樣叫散步?樓主你當晚都開咗門問咗句小朋友咁夜未瞓?我先生回咗句而家入去瞓覺啦仲叫我小朋友同樓主Say Hello表示友善
點解樓主有不滿當時唔講出嚟?要背後咁樣放上網公審我地?你都幾惡下喎!
消防上門係真嘅,我媽咪老人家堅持要搞呢啲拜四角,嗰日都得我媽咪自己一個嚟,詳情係點我唔清楚,淨係知嗰日驚動左消防員上門,喺度問大家有邊個波及左?係咪燒到你哋定點?如果唔係我唔明講出嚟想點?
我仲要澄清番我哋從來冇11點幾搬屋囉!麻煩你了解清楚再放上網啦,嗰啲大型紙皮我費事掉去垃圾房阻住大家,所以我等我先生收工返嚟同小朋友瞓咗覺先拎落樓下垃圾站掉,我哋都好小心細細聲唔想嘈到大家
至於我哋11點幾活動呢點你會唔會管太多? 我哋生活作息返咩工去邊係咪都要經過你批准?
我哋係咪同你有咩仇口要俾你放上網? 咪咁小學雞啦~下次有咩就報警唔需要忍得咁辛苦~一睇就知你冇嘢做乜都要講一餐,見你之前仲開post影人哋露台擺上網,其實間屋係私人地方,鍾意放咩使唔使入紙申請?
講左咁多都係想澄清返,唔想不停俾人公審一啲不實既事!絕無惡意!
香港人放鬆d,多d包容,多d溝通,少d投訴,大家左鄰右里,都係想相處融洽姐!