|
心情動態：
來自何文田邨 |
祝大家揀到心儀單位
今日就開始揀樓
上年我好好彩係疫情期間揀到一個合心水既單位，現在安居樂業中 今年市區新單位較多，對於可以揀市區既朋友黎講絕對係一大好消息 記得去揀樓要帶揀樓信同身份證明 早去到唔駛心急，搵個位坐得休息下，職員會叫你既輪候編號架啦，叫到你編號先去排隊。 入到去，有職員叫你坐低睇片，睇完片又係等下，到揀得樓就叫會你去個大房去揀樓 佢地會貼晒可以選擇既樓既名單出黎，畀人揀左就會刪走，如果係新樓，會附埋平面圖同地理圖畀大家參考。 記得真係最好整個心水樓名單，上年我個名單有成30個單位都畀人揀走左，之後要再整個後補名單，好在到揀樓日個心水單位竟然無人揀，果刻即時諗都唔諗，衝去櫃台話要呢個單位。 職員會重覆問你一次係咪要呢個單位，確認後會用筆刪左名單上既單位,然後叫你去第二個房度，再畀另一個職員核對係咪可以供你揀既單位，再確實後,就會畀房署主任整一張確認信畀你，叫你去果條屋邨搵管理公司收樓 到去到屋邨後收樓，睇完樓無問題，管理公司先會同你確實起租日子，然後畀錢後你就收鎖匙啦 講番揀樓果刻，大家千萬要冷靜，可能果陣你心水單位剛剛畀人揀左,但都無辦法，千祈唔好慌張，跟番自己心水名單既次序去選另一個單位。除非真係名單內所有單位都無左。果陣先再揀過，揀樓時間係足夠既,如果真係剩低單位全部唔合心意，可以同職員講無心水走人 最後再祝大家旗開得勝，換樓成功 
|
||
|
|
|||
