關於取匙前的入息申報急問！

markoko

關於取匙前的入息申報急問！

還有一個禮拜要接受最後一次派屋，資產無超過，但是入息算不算超？

詳細描述：本人一直失業，今年9月等緊三派時先開設第一個銀行戶口。跟住我阿哥通過銀行轉帳轉了20幾萬入我戶口幫他買股票，每次一轉帳比我我即刻就轉入證券戶口。現在還有一個禮拜，我全部從證券戶口提出來，再原額轉返比我阿哥既銀行戶口，請問甘樣可以合理解釋他借用我的戶口投資嗎？求助！會不會計入息六個月平均除？ 戶口内亦無任何其他收入的流水
（轉給我戶口，以及我轉出去的戶口，都是我哥哥的同一個戶口，同一個number）

a753900

fortesting

其實任何時候都候都唔應該幫你阿哥做呢啲嘢

講返正題,呢筆錢係計入資產而唔係入息,上樓前申報係睇你簽約前一日戶口剩幾多錢,而簽約當日唔需要出示證明

不過,你一定要將所有證明(例如你阿哥投資戶口等)存証,趁而家好快啲叫佢俾齊你,以後俾房署抽查到你必定走唔甩要解釋呢關,到時先撲文件你一定會煩到嘔血

仲有一件事要提醒你,亂借戶口俾人投資(或其他作用)係有機會觸動到反洗錢活動(Anti Money Laundering, AML),後果可大可小

錢銀既事,唔好俾親情道德綁架,真係會害死自己架

Alvinryoko

關於摞鎖匙前的入息審查急問！還有一個禮拜要接受最後一次派屋，資產無超過，但是入息算不算超？
詳細描述...
markoko 發表於 2021-01-04 11:20:47 原文

無問題, 唔使擔心

markoko

其實任何時候都候都唔應該幫你阿哥做呢啲嘢
講返正題,呢筆錢係計入資產而唔係入息,上樓前申報係睇你簽約前...
fortesting 發表於 2021-01-04 11:39:43 原文

唔該你啊！但係點解會計資產唔計入息？我唔係好清楚點界定。我以爲會當收入除以六，感我一個月就收入4萬。。。如果用借錢來解釋會唔會都合理？借了二十萬，但係全部還回去了？

fortesting

唔該你啊！但係點解會計資產唔計入息？我唔係好清楚點界定。我以爲會當收入除以六，感我一個月就收入4萬。...
markoko 發表於 2021-01-04 11:59:27 原文

簡單啲講, 你筆錢唔係定期入既就計資產, 因為唔屬於"固定"入息｡

用借錢來解釋既當然可以, 只係你有無辦法提供到證明?

借錢都有借據銀行信(黑財/八九流放債公司我唔知), 你提供唔到大話冚大話就死得更快, 何況你呢頭借完20萬轉頭就還清, 我做房署都一定會查你有無隱瞞資產/洗黑錢｡

記得有起事上來房署係會收屋, 但收屋事小, 被房署告就真係手尾長｡

markoko

簡單啲講,你筆錢唔係定期入既就計資產,因為唔屬於"固定"入息
用借錢來解釋既當然可以,只係你有無辦法提供...
fortesting 發表於 2021-01-04 12:06:21 原文

明白，如果真係計資產的話，因爲我係二人申請，所以係無超。加埋我呢兩日就會轉大部分翻去比距，所以審查前一天結餘可能就只有幾萬，這樣會比較合理。如果無超資產又無入息，但係都被問到這幾筆大額轉帳，我就如實講係轉比我去玩玩投資咯

fortesting

明白，如果真係計資產的話，因爲我係二人申請，所以係無超。加埋我呢兩日就會轉大部分翻去比距，所以審查...
markoko 發表於 2021-01-04 12:16:16 原文

咁就無問題, 但記住錢銀野牽連甚廣, 無論派唔派屋都要小心行事, 以免誤墮法網｡

因為成日都有新聞話借個戶口俾親戚/朋友, 跟手就中招上庭, 而"唔知道"亦唔會成為抗辯理由｡

預祝你安居樂業！

飛faiyu772

其實任何時候都候都唔應該幫你阿哥做呢啲嘢
講返正題,呢筆錢係計入資產而唔係入息,上樓前申報係睇你簽約前...
fortesting 發表於 2021-01-04 11:39:43 原文

Fortesting C兄：呢度成日見到啲人，話搵親戚朋友做擔保人！真心唔明係乜狀況？親兄弟明算帳，一講到＄就冇謂傾，我堅認為自己的事、自己做！

3people3

祝福