港男欲結婚除名 憂65歲母要搬細屋感掙扎

楊管

港男欲結婚除名 憂65歲母要搬細屋感掙扎

本港樓價高企令市民難以「上車」，而公屋單位更是難求。一名港男日前在網上吐苦水，指自己與65歲母親同住300多呎公屋單位，但因準備結婚，成家立室而欲除名。由於擔心此舉會令母親被迫搬往細小單位，但又明白香港資源有限，因而在情感及理智上感到十分掙扎。

該名港男周三（16日）在網上以「公屋除名要轉細單位」為題發帖，指與65歲母親居於300多呎公屋單位，而他準備結婚，因而要除名及轉名至即將遷往的400呎居所。

由於除名後舊居只剩一名家庭成員的名字，他因而擔心母親被迫遷往細屋，

「上網睇過60歲以上就唔會優先搞你，70歲以上就一定唔會搞你。想問吓有冇人聽過60歲以上未夠70都會強迫你轉細單位？老人家佢會唔開心，我更加覺得好慘，睇過鄰居啲一人單位真係4幅牆一個格咁。」

此事引來網民熱議，不少人留言認為事主欲佔用公屋資源，又指他扮「孝順仔」，「轉間豪宅畀佢住會唔會開心啲？」、「你覺得你阿媽慘，點解你又要除名搬走」、「你除得名就預咗媽媽會被轉去一人單位，你唔想就唔好除名，生多兩件跟規矩你有得搬大屋?，又要拋低媽媽又要扮孝子」。亦有人建議：「間新屋寫你老婆名咪得囉，公屋唔使除你名啦 ！」

對此，事主直言「有錢就乜嘢都解決到」，又承認自己自私，但並非存心佔用公屋資源，

「我冇話要霸住個大單位，冇話一人住300呎屋先係應分，只係想問有冇人有呢啲經驗……我只係盡量唔想佢（媽媽）要轉細，就算要轉我同屋企人都會接受或者新樓唔加名就算。」

SLLAM

呢啲事情有乜好報導

豬女

年紀大嘅老人家佢哋大部份唔會郁, 除非你肯走。因為有D人肯走係因為換細D嘅單位租會平D...我有個親戚4-50歲唔係老人家唔肯走佢哋都唔趕佢, 佢係男人, 佢同房署講話: 我遲D結婚生仔唔得呀!
佢成50都未結婚 之後竟然比佢霸左間屋成十幾年, 絕對真人真事佢住我樓上, 仲要係大房...
之後因為結唔到婚又覺立貴租一個人住好笨所以先肯換細單位。

busconcamp

連呢d都要擔憂?
人只會越住越細...細到得個罌.......

helloeverybody

香港人為左住乜野八寶都出齊 ，香港人呀……

rickyloh

長者冇有怕⋯⋯長者係護身符?

0120

房屋署的嘢估唔到，我有個同事，住四人單位，到最尾得一個人，60幾歲了，想申請近家姐屋企，方便照顧，小單位都冇問題，拖咗五，六年了，到現在都沒解決

Gino

黑到呢

rexchan1128