Ravemania

Jackychan0528

綠表買居屋/綠置都係用左一生人一次的房屋資助，仲要拎返間公屋出黎，唔會話綠表犧牲比較少
2019白單有15...
tang0369 發表於 2020-12-11 09:37:16 原文

人大咗搬出去住好正常。你自己唔要細單位，人哋白單有得買你又怨乜呢？
人哋始終係放棄咗一生人一次既房屋資助機會。有能力就抽首置白居二大單位啦，鬼會吼你白單咩。
係咪一定要飯來張口，起間又大，又要唔可以貴，又要靚地點，交通好嘅先收貨呢？

搞清楚，公屋係政府幫緊你平租嚟生活咋，唔係特權、貴族。唔鍾意咪繼續租囉。  

起咁多二，三房，三百幾四百萬。你公屋戶又夠錢買？又過到壓測？

Tanya11

人大咗搬出去住好正常。你自己唔要細單位，人哋白單有得買你又怨乜呢？
人哋始終係放棄咗一生人一次既房屋...
Jackychan0528 發表於 2020-12-11 23:26:52 原文

好奇一問 唔係首置可以1成首期政府擔保咩 同埋老實講單位太細你住公屋都唔會大搬細啦。有能力買居屋都要抽到先得

kwjson

白表真係會買170尺既單位？

june2

單位咁細。

shanshan0314

?

tang0369

人大咗搬出去住好正常。你自己唔要細單位，人哋白單有得買你又怨乜呢？
人哋始終係放棄咗一生人一次既房屋...
Jackychan0528 發表於 2020-12-11 23:26:52 原文

我係話緊你講到白表好委屈咁，但同樣地綠表比你白表仲放棄多間公屋，揀擇D都好正常
何況我邊有怨白單有得買細單位？
反而白單會問點解次次輪到佢地都係得開放式單位，次次都留豬頭骨比佢地硬食
但你又講到白單會幫手掃哂細單位，咪好似政府睇死你地D白表，就算我推乜你地都要
反而今次綠表人仕唔落搭，我個人係表示支持

你要知道，綠置/新居屋個原意係叫人交返間公屋出黎(N年前綠白比例係9:1，2014年係綠6:白4)，但起D仲細個自己間公屋的單位，點叫人讓返間屋？
連綠表家庭都只係得開放式綠置，比你住緊380尺，會唔會搬280尺？
但你反而怪D綠表有樓都唔買，仲要阿支阿左？
你問下白單有得揀的話，要一房定開放式單位

公屋係社會福利，基本上係基層人仕先有得住 (新申請2人家庭入息上限$19K，兩公婆要搵一人搵$9K/月)
政府收稅再回饋返比市民係好正常的事，唔好講到係咁難聽

政府起多D一兩戶單位同買家夠唔夠錢咩有咩關係？冇錢咪第二個買
今期綠置長者好似輪到一半已經賣哂，證明係兩三單位唔夠數，而唔係買家唔夠錢買
政府係想人住好D定係純粹跑數起多D單位，相信個答案好明顯係後者
就算白表人仕都想政府起居屋最少一房單位啦，何況要一換一的綠表
正正常常一房單位的，綠表2-3人家庭基本上都要
問題係依家得返開放式比2-3人家庭揀阿嘛

其實今期綠單已經掃左好多細單位，反而係綠長/綠家庭放棄率高，先搞到仲淨5XX個單位

以居屋2019為例，業主要比入息證明，但家庭成員唔洗，你老作到全家十萬收入都得，個壓測形同虛設
*唔知2020有冇改

Jackychan0528

好奇一問 唔係首置可以1成首期政府擔保咩 同埋老實講單位太細你住公屋都唔會大搬細啦。有能力買居屋都要抽...
Tanya11 發表於 2020-12-12 00:13:16 原文

首置最細單位280呎都賣380萬。一成首期38萬，印花稅10萬，計埋雜費裝修都預5-60萬啦，月供萬五蚊以上，
唔係個個白單負擔到 ，所以先排白單條隊姐，如果叫佢每月租幾千蚊租劏房，一定寧願買呢啲納米樓。
100萬納米綠置居樓，首期10萬，印花税都唔洗，月供4千仲做埋業主，起碼叫有地方住仲可儲錢。
不過如果住開公屋耐咗或一出世就公屋，唔知出面米貴姐。

hlce1317

Jackychan0528

我係話緊你講到白表好委屈咁，但同樣地綠表比你白表仲放棄多間公屋，揀擇D都好正常
何況我邊有怨白單有得...
tang0369 發表於 2020-12-12 10:53:59 原文

都係果句，政府唔老馮要幫你上樓。唔鍾意咪繼續租公屋囉。
不過政府有責任解決住屋問題，即係要租貴樓果班。
所以將綠置居賣比白單白核可解決佢哋啲需要。

你話貪嘅，大把做地盤或自己有樓收租既公屋戶添，就係呢批人先最想貪多層兩三房居屋，死都唔肯交返間公屋出嚟等平會買貴樓。