今日終於收樓,分享一下等大家有心理準備!
入伙收樓處位於雍明商場1樓,建議入雍明苑大閘後從左面車路直行入去就到!
準備好律師成交當日的文件(收樓紙and入伙通知書),帶同ID正副本,另外可事前去恒生入數交雜費(金額已列明在入伙通知書上,約4000-5000元),去到收樓當日都要交兩期管理費,預1500元(可現金or支票)。
然後當日佢會比一疊文件你簽,聽完講解簽完文件就可以拎鎖匙,快的話半個鐘搞掂。
最後到大家最期待既單位情況,B座升降機大堂同各層走廊感覺上算幾闊落,顏色係黃綠白配搭。入到單位,油漆做工算不錯,另外好開心見到廁所、廚房磚都係全白的!附送煤氣公司的煤氣爐同馬桶。跟住就自己睇圖啦!
恭喜大家!亦祝各大家早日收樓、安居樂業?