長文分析：駿洋1～3座住戶調配海達邨 大家話好唔好？

0543ll

長文分析：駿洋1～3座住戶調配海達邨 大家話好唔好？

海達2300個單位將於年底分批入伙，係今年唯一可以一次過調配、安置晒所有駿洋1～3座住戶嘅機會。希望大家幫手諗諗可唔可行，推比房署落實。
因為呢個真係一個多贏少輸嘅解決方法

首先對駿洋人嚟講，可以喺海達相對如期2021年新年前入伙（工程其實都有延誤），點都好過再等1～3座，因為你永遠唔知道明年第二季初係咪可以入伙，政府一而再再而三玩弄準居民，實在無辦法接受。而且大家駿洋人若可在同一條邨守望相助，對大家將來生活點都有好處，可能鄰里關係會好啲，始終只有駿洋自己人知道駿洋人嘅苦。

對房署嚟講，一次過解決駿洋問題，點都好過無止境拖落去，而且手續一定比自選AB餐方便快捷，只需大致跟返每戶人數樓層安排便可。而且相信所有駿洋人入左伙，唔會再點嘈，房署之後可漸漸回復正常審查配房工作，雖然疫情點都有阻滯。

對擴巿後面排隊嘅家庭嚟講，大家都知未來3年係擴巿冰河時期，無新屋邨落成，定必有排排，除非轉區。所以急住上樓嘅之後可以快少少上樓，雖然又係唔知政府玩1～3座玩幾耐，但都好過等到2024年後。

對巿區隊嚟講，的而且確可以話唔係好公平，無端端多左千幾個號碼，少左個中奬機會。但要知道有部分駿洋1～3座住戶已達巿區配房編號，如果唔係政府之前拍晒心口話竹蒿灣起好（7～9月）駿洋一定歸還，可能嗰陣時就有人跳返巿區。另外未來一兩年巿區有過萬個巿區單位落成，唔少新界擴巿人都會考慮轉巿區，唔介意等多一兩年都要巿區。亦即係話無論有冇駿洋事件，一定會有人轉區，但因為無過去數據比較（轉區自由轉，計唔到數），講唔到今年比之前多左幾個人轉，所以公唔公平計唔到。但點都好，疫情原因所有排緊公屋嘅家庭多多少少都係遲左嘅，冇人想，希望可以理解。

對政府嚟講，簡直就係大贏家，一嚟駿洋可以無了期霸落去，為抗疫繼續作出不可替代嘅貢獻。二嚟唔使再比假承諾駿洋人，狼來了故仔都淨係可以呃兩次，再呃第三次已經冇人會信真心準時還。三嚟算係了結左駿洋事件，慳返6000蚊，少左個唔知算唔算嘅煩惱，齊心抗疫。

講真只要大家目標一致，以低成本高回報原則，用最簡單快捷方法拆掂壇嘢就最好啦。不眠之夜，有感而發，歡迎討論

Ivan文

回應 #1 0543ll

預測評論大部分係支持同反對 我吃花生睇戲算

Hung133

回應 #2 Ivan文

早晨⋯⋯

0543ll

回應  0543ll

預測評論大部分係支持同反對 我吃花生睇戲算
Ivan文 發表於 2020-08-19 05:27:51 原文

預料反對唔少，但最緊要探討有冇可行方法盡快解決件事。

running

如果正經跟編號排隊的話無人反對，但後面號碼本身未到佢派市區的話，突然比佢插隊，一定反對，雖然你地係慘，但都唔可以咁插隊，政府都補左2次津貼喇，唔好獅子開大口，又要全部人陪你地受害

Bb1331

像是全世界欠咗你哋駿洋咁，當初攞咗6千不是已經選擇要等咩

atmatthew

像是全世界欠咗你哋駿洋咁，當初攞咗6千不是已經選擇要等咩
Bb1331 發表於 2020-08-19 06:34:02 原文

食花生你就食啦，講咁多，6千蚊係要等，但唔係等半年囉

atmatthew

如果正經跟編號排隊的話無人反對，但後面號碼本身未到佢派市區的話，突然比佢插隊，一定反對，雖然你地係慘...
running 發表於 2020-08-19 06:12:08 原文

食花生你就食啦，講咁多，所有新公屋都係政府既，點解市區公屋政府就唔可以決定點用啊？公平？你同我講公平？

Akxac

非常贊成，市區新樓分給駿洋邨準住戶，因為就係全世界欠了我們

Tsang13

公平起見，號碼己達市區編配號碼嘅，可優先揀樓! 未到的，應該繼續排隊，這樣比較公平