|
心情動態：
來自天悅邨 |
優先處理寬敞戶體驗（長文慎入）
純粹分享下成個過程，等大家喺唔同時間都有較為update嘅經驗俾大家參考。
 2016年年尾家人過身，原為天水圍4至6人單位得返2個，所以住多一年佢俾嘅酌情後，2018年1月，房署就俾我揀邨。 寬敞戶調遷揀樓只可以揀同一個區議會區分嘅邨，唔會有得轉區。 我仲好天真咁填晒12條邨嘅排位 ，但佢喺收我表後冇耐竟然有職員打黎問我最想邊3條邨，佢答我原來佢地入系統只入到3條邨。 咁我揀頭3條邨係我最想，咪叫佢照入。 第一次派屋係2019年3月，即係交左表後嘅1年鬆啲，佢俾左條我冇揀過，又全元朗最舊嘅邨俾我，我直接打去拒絕，心諗只係第一次。 點知嗰條邨個主任鬼咁多嘢講，話舊唔係理由，話會照扣我一次機會，其實我預左扣，唔一定你派左自己唔鍾意都要掛。 第二次派係2019年11月，佢今次仲離譜，派左天恩邨，仲要中轉房格式俾我。 其實上去睇前，喺佢管業處度見到有張紙寫話拒絕天恩一邨不計作無理拒絕。 但我都有上去睇，因為喺呢度見好多人話佢廁所細，又點又點。 對我黎講，廚房先攞命，小妹唔係瘦，所以打側先入到廚房，反而廁所，勉強還接受到，但當然冇要啦～佢寫明唔計無理拒絕嘛。臨走我仲問個主任你地咁寫係咪真係唔計，佢答應該係。 點知過左2星期，收到房署信話我已2次無理拒絕，wtf！打去信上面個主任，佢都坦白話佢只係代言，要直接打上配房組。 我索性寫封電郵去問點解有張可以唔當無理拒絕嘅通告貼喺度，又話我無理拒絕，我仲attach埋我影張通告嘅相俾佢。 之後再等1個月，佢先話「不視為無理拒絕」，所以日後派到天恩邨中轉房嘅朋友仔，希望呢少少資訊幫到你。當然我講緊係寬敞戶嘅處理。 到今年5月再開彩，我終於揀啱心水。 拎完鎖匙即裝修，奈何舊屋雜物多到死，自己攪唔掂，清屋連搬要使一大筆。 見前輩話搵樓下垃圾房做會平，但我太懶俾清屋公司做。 見好多人擔心還原費，好大膽講，真係睇物管公司點處理，同個主任執唔執著，通知佢會還屋時，佢工程部上黎望，會報價你知邊啲要俾，交房嗰日先現金俾。 家父生前做地盤，主要做水喉，所以舊屋改到面目全非。 慶幸主任手鬆，我最後只俾左3千幾蚊，廚房門$2,260左右，另加拆磚牆$660（間左房）。而入面有啲位佢都冇執太正。 而交房嗰日，俾晒維修費，交鎖匙就攪掂喇！ 派屋係睇運數，嗰期原邨有單位就恭喜你！我呢～3次派屋嘅邨我都冇揀過，但而家呢間係高同座向好而要左。 由家人去世，填表，派左3次屋，歷時3年半。 呢3年半，真係好多憂慮，因為知佢突然派黎，好多嘢要做決定。 慶幸我終於渡過，喺一個舒適嘅新居生活，仲要租平咗  本留言最後由 judynickcc 於 2020-07-28 23:58:31 編輯
|
||
|
|
|||
|
心情動態：
來自蘇屋邨 |
|
||
|
G1312 市3
10-2018預派 4-3-2019 取匙
|
|||
