有誰還說住公屋是人生贏家？

SLLAM

有誰還說住公屋是人生贏家？

父親過身成公屋寬敞戶　抑鬱失業女與母被迫大屋搬細屋超無助

居住問題總為港人帶來困擾，有連登女網民日前在討論區發文，指父親去年過身，現在的公屋單位只有自己和母親居住，近日收到房屋署寄來的調遷表格，表示她們要大屋搬細屋，還要花4萬元還原單位，令目前失業的她陷入困境，「完全無預過會咁樣，好無助，日日為咗無屋住而煩，可以點？」

該女網民近日在討論區以「老豆過咗身，而家係優先寬敞戶」為題發文，指父母多年前離婚，媽媽帶住她和妹妹租樓住，後來因負擔不起而再搬回父親的公屋單位，他自己則在外租屋另組家庭，但一直沒有讓媽媽加名到公屋戶籍上。直至父親一年前過身，妹妹亦已除名準備買樓，公屋戶籍只剩下樓主一人。

樓主表示，近日收到房署的調遷表格，要求搬往一人單位並要花4萬元還原，而且現有家私太大未能搬過去，大部分電器亦用了廿多年很殘舊，「即係搬屋還原、買家電、傢私要洗一大筆錢」。她又指即使戶籍加回媽媽後，亦只能搬往1至2人單位，「唔通要孖舖瞓？」、「我自己一個咩都得，仲有個阿媽呀，得120至150呎，我都想像唔到點一齊住」。

她指媽媽今年50歲，自己畢業一年多，沒有太多工作經驗，之前做銷售員但逼得自己好緊，令抑鬱症更嚴重，打算休息一排再找工作，但剛好碰上疫情，找文職也沒有人聘請。樓主坦言自己的情緒很反覆，「今日我可以好積極好有信心，聽日我可以完全起唔到身。呢排無信心嘅日子多過有信心。」現時只想住多幾年，有穩定收入才搬走，「我都唔想霸住間屋，但而家無能力搬」。

對於有網民建議申請綜緩，樓主指當年媽媽離婚後一個人養大兩姊妹， 「佢幾辛苦都未諗過要拎綜援，而家我要去到拎綜援都未接受到」，目前她會盡快找議員或社工尋求意見，商討下一步可以怎樣做。

帖文引起網上熱議，有網民同情樓主的遭遇，紛紛提出不同建議，如跟房署「講數」減低還原費用，或要求搬至同座不同單位，「樓上搬樓下，慳好多」，又可以到網上免費送家具的群組看看。有網民則鼓勵樓主「馬死落地行」，勸她積極找工作，「兼職、7仔都做住先」、「之後搵份ft（全職）捱幾年綠表買居屋，加油」。但亦有網民認為有公屋住算好，「要你搬細啲啫，又唔係收你間屋等你冇屋住」、「逼啲咪逼啲，係無私人空間，剩係可以食飯訓覺，咪簡單啲生活。」

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

Ivan文

emmm，反思一下啦，有屋比你住仲有問題（只喺我意見），而且每個人對人生贏家呢個字嘅定義都唔一樣，你個標題咁寫法其實幾容易引起爭議

anthonyfai

登下報紙搵社工搞搞除時又唔洗搬,你試下租樓起碼都1萬租1個月啦,到時失業一定慘過宜家好多倍,個業主唔會同情你之餘即趕你走呀!!

XINHUI

比冇屋住的人好好多啦，唔好灰心。?

happysunboy

個細妺好犀利，家姐只係畢業一年，而細妹就有能力買樓

Suet219

呢個問題好正常，不嬲住公屋仔女好應該長大後要考慮呢個問題。
唔通你間屋淨返一個人都住4-5人單位丫？
慘得過我租人樓住
兩年都未夠，業主一句話賣左層樓唔租俾我
就即刻要揾屋搬丫大佬
而家佢只不過大屋換間細屋俾佢咋，有幾慘丫

Ivan文

呢個問題好正常，不嬲住公屋仔女好應該長大後要考慮呢個問題。
唔通你間屋淨返一個人都住4-5人單位丫？
慘...
Suet219 發表於 2020-06-26 12:56:40 原文

一係買居屋 一係租屋

Ray 666666

有幾慘啊，又唔係無公屋俾返佢住，重未上到樓嘅捱貴租重慘啦

王大媽

emmm，反思一下啦，有屋比你住仲有問題（只喺我意見），而且每個人對人生贏家呢個字嘅定義都唔一樣，你個標...
Ivan文 發表於 2020-06-26 12:48:44 原文

要求多多,住私樓囉, 後生都咁樣

Swordman

真係慘絕人寰，每月要比萬幾蚊租百幾呎而又無資格上公屋果班家庭真係唔好話自己係最慘果個