想問關於按揭律師樓問題

tmchan8

想問關於按揭律師樓問題

如題，因到現在我仍未做按揭和找律師樓，
聽聞臨近收樓，會有銀行同律師行會approach未做按揭的住戶

到時會有比現在更好的offer，請問各位聽過未嗎？

謝謝...

忻妹

無聽過。銀行回贈唔會上升，最多送下周邊唔等使禮品俾你，依家銀行收緊按揭，上律師樓係有期限內要上去搞掂，上樓師樓當日就要俾清尾數俾房署，之後就開始每月供樓，批按揭有啲銀行都要一至兩星期，所以你要快搞掂按揭。

唯一經驗係早做回贈仲高左，因為就喺短時間內銀行收緊按揭，減回贈。

反而我有疑問就係，業主可以揾出面律師樓或者房署推介律師樓，銀行點知要同邊間律師樓去approach？當時銀行都係靠我通知我揾左邊間律師樓，佢哋先交票去嗰間律師樓（我係無用房署推介律師)

Jk1978

我也認同早D一去银行做按揭，香港環境不穩，銀行開始收遮，半年前間間银行利率是2.5，回赠是1，现在回赠是零，0·2，0·5，而且服務態道由欣勤轉為爱理不理，這几天去東亞去做按揭经歷，真是火滾

粒粒野哥哥

企係律師角度, 如果個客未做按揭而搞到交易出現問題, 買家權益係會受損 (例如遲收樓, 罰款, 甚至被終止買賣)
如果已經外聘咗律師, 佢地代表買家權益, 照計會提買家搞按揭, 前題係你已經搵咗個律師, 協議咗委任佢...
如果買家無外聘律師, 用房署律師的話, 房署律師代表房署權益, 佢地無責任或義務教買家點做野, 提買家係人情, 唔提係道理, 反正買家用唔用佢, 都係收一份律師費加實報實銷費用, 差在係買家俾, 定房署俾, 佢地唔會因為買家委託佢而賺多咗
如果有第三種情況, 即係「無委託到既律師打黎搵黎提醒你做按揭同提供優惠」, 首先要諗下點解佢知道你買咗居屋? 間野信唔信得過...

至於按揭個offer 方面, 依家好多銀行都收水減優惠, 唔志在做多一兩單生意, 都寧願控制下風險
買家無做按揭, 到最後交易唔成功, 銀行唔會有損失... 咁點解銀行要俾個好啲offer 買家呢

如果諗住等銀行律師俾個好啲offer 既話, 我唔建議
到最尾真係就收樓又乜都未搞, 急果個會係買家, 銀行同律師真係無損失, 唔會理個買家咁多

pkp

如題，因到現在我仍未做按揭和找律師樓，
聽聞臨近收樓，會有銀行同律師行會approach未做按揭的住戶
到時...
tmchan8 發表於 2020-06-20 22:56:56 原文

你錯判形勢了，都係快快搵按揭及律師事務所啦，今時今日，唔好諗住一定借到按揭貸款

忻妹

回應 #5 pkp

我就係諗緊佢聽邊個講咁大整估?
通常買樓最怕上唔到會，除了樓主預左上唔到會都有錢full pay ?

JoelCheung

回應 #1 tmchan8

無人敢講無呢個可能，但最大可能係細銀行同財仔先咁做，我聽返黎嘅係獅子/行山已經唔想做咁多按揭，各大傳媒已經有報導唔需要多講。
大銀行申請時無咁多制肘，其他細行可能會睇埋你嘅入息同壓力測試，申請時間相信會比較長，如果到時唔批搵第二間做就更麻煩，如果咁啱臨近收樓又趕唔切做按揭咁就更麻煩！
夜長夢多，不如早D搞掂比多D時間專心諗下點裝修間蝸居仲好啦！

tmchan8

謝謝各位的意見。