觀塘恒生搞按揭一肚氣

bidraider

觀塘恒生搞按揭一肚氣

長文！有時間可以睇下。

話說6/13去觀塘恒生搞按揭，有位安東尼X先生接待，本身佢態度都唔多想做咁，咁我帶齊文件去就話不如搞咗先，佢拎咗我啲買賣合約同收據…等去影印，影完俾返我，但整到份買賣合同污糟哂同皺咗，因為jam紙有啲油墨痴咗落去，我要慢慢用指甲挑走啲墨點，咁一路佢又俾啲form我簽名咁，之後就話兩個月批，可以走得，唔知係咪趕住收工，就係咁，我走咗… 惡夢就開始。
回家繼續用指甲挑走啲墨點…但發覺有啲唔妥。

到6/15上午就去滙豐申請另一個按揭，滙豐就專業好多，睇到我份買賣合約缺了幾頁，但幾多頁就唔知，叫我返去搵下，但照幫我申請，叫我搵到就影返俾佢，個刻真係激到爆，好肯定係恒生條友拎咗某幾頁買賣合約正本，之後打俾佢，叫佢搵下有幾多頁正本拎咗，分返啲正本俾我，因為我都唔知欠咗幾多頁，到6/16打嚟話搵返兩頁，一頁係有我身份證果頁，另一頁係有官印果頁，聽到呢度，真係唔知恒生條友有冇go through申請人啲文件，左手嚟右手去…

到6/17我就去律師樓喇！律師一睇份買賣合約，就話唔齊，欠咗一頁圖則，佢哋要收正本，一定要搵返，搵唔到可能要去房署俾錢補領，個刻?????，離開律師樓立刻打俾恒生條友，叫你搵下有乜正本你keep咗，點解唔check清楚？？佢話依家所有文件已經send咗去總行，但佢電腦有color scan copy，印返一張彩色圖則俾我，我話律師一定要收正本，佢話color copy好似正本㗎！我堅持一定要搵返正本，如果搵唔到所有損失由佢負責。

過了兩日即6/19一早收到滙豐好消息，按揭已批，只係四日就批了，恒生?????，同日下午恒生條友打嚟話搵返份圖則正本，依家我已經攞返，律師也叫我拎返俾佢，因為滙豐已經聯絡了我律師，恒生?????

我知道以上恒生安東尼X生係個别例子，但我都冇搵佢阿頭作正式投訴叫做保住佢飯碗，只係喺呢度呻下…

或者你會話我自己又唔check清楚，其實我收返份正本已經check緊，但皺咗又有墨點，忙於清理時又要在申請表上簽名，回到家睇發覺份買賣合約係有啲唔妥，但就係諗唔到邊度唔妥囉！

所以大家記得俾正本人哋影印完要check清楚份正本有冇損毀啊！

rainbowsmc

回應 #1 bidraider

多謝提醒，想問匯豐及垣生分別回贈有多少？

bidraider

回應  bidraider

多謝提醒，想問匯豐及垣生分別回贈有多少？
rainbowsmc 發表於 2020-06-20 14:32:50 原文

恒生回贈0.3%滙豐回贈0.5%加高息存款，另加轉介回贈0.13%

hlce1317

kenma

keihan

份正本咁重要的話，如果抽到居屋，我會自己scan 左, print 一份俾佢，正本唔俾佢羅走了

issac1998

回應 #1 bidraider

rainbowsmc

回應 #3 bidraider

多謝分享，想問中介公司那裏找？

高腳七

rickyloh

恒生唔休做，我朋友等左成個下午，去咗幾次都唔得閒招呼佢⋯⋯吹漲！咪走去中銀囉⋯