延長執漏期

Chutata2015

延長執漏期

依家房協搞到倒瀉籮蟹，處處有問題，半年根本睇唔清晒啲問，起碼一年大家贊唔贊成我地一齊要求房協延長執漏期

Chutata2015

佢哋一日唔搞番掂，我哋一日都唔可以就咁算

lsbml1901

由設計到施工方法，承建商施工質量，房協工程監督，一環扣一環，過程中一定出現好多問題先會出到今日既結果，大家保持警惕，就算你今日單位無事，唔代表可以獨善其身，希望大家團結，互助精神，解決問題⋯⋯

Yentang

而家都已經咁多問題，就算肯延長多一年都死得，我以前住果度就係漏水問題搞到要搬，因為外牆漏水係好難搞，還會禍害樓下單位。

lsbml1901

延長就無可能架啦，合約條款列明修執時期，日後最多民事訴訟追討，但現實有幾多人會有錢同用幾年時間做好搜證同房協或承建商打官司

mc1028

咩都未做就打定輸數，就一定冇結果。
我就會寫信去房協要求延長執收期及保養期，希望其他業主一致行動，保障各位自己利益及權利。

Unun

?

Chutata2015

回應 #6 mc1028

而家係佢哋有大問題延長執修期係好正常嘅事，合約寫明執收期半年係冇預計會有呢啲咁大嘅問題，團結就是力量，我都會寫信去房協，希望各位業主都一齊合力，比壓力房協，唔可以就咁算數

Elaine1

房屋外牆漏水咁大件事一定要房協負責嘅啦，仲要我啲小業主去打官司，唔係啩

Yentang

大家寫信去房協，試下好過咩都唔做，過左執修期，外牆漏水都係我哋各業立出錢整。