小弟對租置一直有個疑問...

王AAABB

小弟對租置一直有個疑問...

小弟對租置公屋一直有個疑問，就係點解成日見到好多師兄師姐都話會擔心同政府買既租置公屋會供唔起既？我當你買60萬一間，分20年或25年供，當你做幾萬蚊首期，一個月都係供$2000多D，可能仲平過交公屋租金，有時見到討論區好多師兄師姐話擔心失業供唔起租置公屋，難道租公屋失業唔使交租咩？（小弟知識有限真心有疑問，並不是想挑起任何爭執，師兄師姐請勿誤會）

Aping

Chung66202599

每年要交地租差晌吖, 大廈維修保養費吖等等呢, 住公屋無咁大壓力囉, 當大眾失業時可能政府又出動免交租期呢, 人各有志吧｡

型英帥靚正

嗱，師兄，大家純粹理性研究切磋一下。

『好多師兄師姐話擔心失業供唔起租置公屋，難道租公屋失業唔使交租咩？⋯⋯』
可能你同我都會有個咁嘅疑問，其實道理好簡單，易地而處，只要你認真啲代入個角色去諗，你就會發覺其實呢類係乜嘢嘅心態。因為，有啲人大吉利是講句，如果仲係“租戶”身份，有一日兜踎到貼地都仍然可以咬老綜，但如果係“業主”身份嘅話⋯⋯

有人努力力爭上游，亦有人努力向下游，咁你依家應該明白兩者之間最大嘅分別喺邊度啦！

王AAABB

每年要交地租差晌吖，大廈維修保養費吖等等呢，住公屋無甘大壓力囉，當大眾失業文時可能政府又出動免交租期...
Chung66202599 發表於 2020-06-01 16:49:04 原文

可能真係你咁講，人各有志吧，但我始終覺得租置的管理費差餉維修費用等等都係非常有限嘅數目，現在香港寸金尺土，幾十萬買到幾百呎，根本唔需要考慮供樓嘅煩惱，長遠來說去到老嘅時候租公屋都仲要交租金，但租置已經可以un un腳了。

王AAABB

嗱，師兄，大家純粹理性研究切磋一下。

『好多師兄師姐話擔心失業供唔起租置公屋，難道租公屋失業唔使交租...
型英帥靚正 發表於 2020-06-01 16:49:46 原文

我唯一考慮到個分別，就係領取綜緩嘅分別，但聽身邊好多住緊公屋嘅朋友仔講將來佢哋老咗都唔會去咬綜緩，聽講個要求非常低，好似戶口得幾萬蚊先可以有資格，後生仔有手有腳更加唔使諗，好似話唔會批到？詳細我就唔知啦，但如果每個月得$4000 ，我寧願打份兼職或者風流工仲好了，$4000喺香港點生活...

Chung66202599

回應 #5 王AAABB

都有好多人似你甘，諗租置既，你睇D租置吖居屋，綠置居先會甘火爆，有時候又要有甘彩數先抽中嘅

naominaomi

SLLAM

住公屋，個資產限額得嗰百幾萬到三百幾萬，當你老咗冇工作能力嘅時候，靠嗰百幾萬至三百幾萬嘅資產真係夠你用到死？

elkie

小弟對租置公屋一直有個疑問，就係點解成日見到好多師兄師姐都話會擔心同政府買既租置公屋會供唔起既？我當...
王AAABB 發表於 2020-06-01 16:00:05 原文

之前我問過銀行，好多銀行都唔會批25年，佢係計單位樓齡去減，好多只批5至10年還款期，所以2手市場果d租置單位，還貴過私樓還款額，除非你一炮比晒 ，而宜家政府推出既租置就唔知銀行佢按點計，不過如果60萬以下，都可以壓力減輕好多