匯智樓景觀預測 (僅供參考)

Ivan文

匯智樓景觀預測 (僅供參考)

睇之前補充翻一句，有樓住算好啦，呢個帖純粹就係預測景觀。(公屋係派, 你無權揀方向，本帖純係講下單位坐向同景觀)
更著落嚟嘅兩個星期，我就會盡量幫大家分析一下各單位嘅景觀。有部分嘅新樓冇詳細嘅平面圖，我可能會參考同分區嘅平面圖黎參考下，我可能會幫d單位加號碼(號碼僅供參考，實際上可能會唔一樣)本身想講海榮先，估唔到富暉跑佐出黎，所以就先講佢d景觀先(下個帖應該係漁進，更著就等下半年d新樓咯)

(單位數應該就差唔多嘅，圖片係由同分區搵出黎嘅) 先講翻啦，地盤位置係前東頭邨第八期地盤(位置圖)
圖片來源：http://cyclub.happyhongkong.com/viewthread.php?tid=251069

匯智樓(順序1-37號單位)： (37個單位好似有d多，多過白田7,8,11一層嘅數量)

1-2號單位：全部單位向西(西斜問題請注意)。景觀方面，基本上就係望九龍城寨公園茂東安東樓(應該都唔錯，茂東安東只有12層，應該唔會影響到景觀)

3-8號單位：全部單位向東(日出問題請注意)，單位靠近樂善道所以底層單位可能會有額外噪音問題。景觀方面，基本上就係望東頭社區中心(大樓應該都唔係幾高)仲啟德發展區個頭(都算唔錯，未來啟德發展區應該會擋到景觀)。

9-10號單位：全部單位向偏西(西斜問題請注意)，單位靠近樂善道所以底層單位可能會有額外噪音問題。景觀方面，基本上就係望九龍城寨公園小學仲有九龍城一帶(都算唔錯)。

11-18號單位：全部單位向南，單位靠近樂善道所以底層單位可能會有額外噪音問題。景觀方面，基本上就係望小學仲有九龍城太子道東一帶(都算唔錯)。

19-22號單位：全部單位向西北(西斜問題請注意)，單位靠近東正道所以底層單位可能會有額外噪音問題。景觀方面，基本上就係望小學仲有九龍城太子道東一帶(都算唔錯)。

23-27號單位：全部單位向東南，單位靠近東正道所以底層單位可能會有額外噪音問題。景觀方面，基本上就係望九龍城寨公園茂東安東樓仲有個華人基督教墳場(茂東安東只有12層，應該唔會影響到景觀)。

30-31號單位：全部單位向東(日出問題請注意)。景觀方面，基本上就係望茂東安東樓(應該都唔錯，茂東安東只有12層，應該唔會影響到景觀)

32-37號單位：全部單位向北(太陽問題請注意)。景觀方面，基本上就係望茂東安東樓仲有東頭邨一帶(應該都唔錯，東頭邨大部分樓宇只有12層，應該唔會影響到景觀)

總結：匯智附近交通唔錯(行一陣就到啟德樂富站)，生活配套都算齊(但係可以到附近商場或者去九龍城)，風景都算唔錯，嚴格嚟講就係要行遠小小先可以買到野。

再重複返一句：公屋係派, 你無權揀方向，本帖純係講下單位坐向同景觀。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

muimui0123

YOYOLAM1105

回應 #1 Ivan文

saku

naominaomi

hugoyang

Chung66202599

回應 #1 Ivan文

師兄，匯智什麼日出，西斜、太陽的問題都不是問題，最大的問題是有沒有一間是自己的

Ivan文

回應  Ivan文

師兄，匯智什麼日出，西斜、太陽的問題都不是問題，最大的問題是有沒有一間是自己的
Chung66202599 發表於 2020-05-19 11:56:13 原文

Ivan文

聽日就係上半年新樓景觀之漁進樓，講完基本上就等到下半年先再講翻

wtk7213