擠逼戶想申請調遷（石硤尾邨）

靚女

擠逼戶想申請調遷（石硤尾邨）

大家好，第一次發文想問下各位，我同屋企人住石硤尾邨五人單位(我爸是戶主，超過六十歲)，我現懷孕超過十六週，老公本身都住公屋，想將BB同老公個名加落我呢間屋度，計過入息無超五倍。
想問調同區七人單位係咪有兩間屋？
同埋要等幾耐？

cyster2007

以5人單位面積，就算加到7人，擠迫戶計劃都未輪到你揀樓。你唯一希望就係搵屋邨辦邨內調遷，但呢樣野邨辦幫唔幫就要睇下你平均密度有冇低於5.5，如果無佢地係唔會理你，即使佢真係幫你申請到邨內調遷，按現時公屋編配緊張，比你兩個細單位機會機會微乎其微，7人大單位就要睇返石硤尾邨有冇吉屋，不過有都唔會係新樓，只會係好舊果堆

靚女

以5人單位面積，就算加到7人，擠迫戶計劃都未輪到你揀樓。你唯一希望就係搵屋邨辦邨內調遷，但呢樣野邨辦幫...
cyster2007 發表於 2020-02-16 11:16:16 原文

我計過密度低於5.5，但我見石硤尾邨有幾棟新樓，如果邨內調遷又要等幾耐？當然緊係想新樓，兩間屋啦?

Yolaivan

如果得啊，我就唔洗等七年拎一間屋啦??

靚女

如果得啊，我就唔洗等七年拎一間屋啦??
Yolaivan 發表於 2020-02-16 11:39:04 原文

要七年咁耐?其實我同老公因同佢屋企人不和，佢地要求我地搬走，唔知分戶會唔會快d，我唔想BB出世無屋住

cyster2007

我計過密度低於5.5，但我見石硤尾邨有幾棟新樓，如果邨內調遷又要等幾耐？當然緊係想新樓，兩間屋啦?
靚女 發表於 2020-02-16 11:32:48 原文

邨內調遷不成文規定無新樓（邨外調遷就寫到明），同埋按我上次回覆所講，現時越來越多人排公屋，所以房署近幾年都無比兩個細單位比6人或以上申請人，更何況你係調遷？

cyster2007

要七年咁耐?其實我同老公因同佢屋企人不和，佢地要求我地搬走，唔知分戶會唔會快d，我唔想BB出世無屋住
靚女 發表於 2020-02-16 11:56:54 原文

基本上無分戶，除非你有本事打到見晒血，搵晒警察上來，之後區議員/社工插手就有機會。你想要兩個單位只有你同老公和BB排街隊申請，一係就白表抽居屋，唔好想咩捷徑啦。至於擠迫戶計劃，7人起碼4.0或以下密度先有機會，因為太小適合7人居住單位，同埋呢個計劃無得揀兩個細單位

海洋群島

現時已經無分戶，你一家三口想搬走就三個名額重新申請公屋，到上樓再除名。除非你有本事打到見血搞到上電視又有社工介入先會快啲、我朋友就係咁。

sallyjeffy

回應 #1 靚女

首先, 七人不會分配兩間屋;另外, 7 人單位少, 估計密度有4.5 或以下才有機會調遷。
還有,沒有分戶這回事了, 你3人自行入紙申請3 人單位等上樓吧。

初初

照我估計，你都係同你老公抽居屋比其他抽作都實際，第一，冇分戶可能;第二，你同你老公兩人收入大概已經超過入息限額好多，照現在市道，你地未必冇可能係低位買樓。