周末狂想：居屋改以編配形式出售

dragon00

周末狂想：居屋改以編配形式出售

如果改變居屋制度，採用同公屋相約嘅編配制，大家有咩睇法？

即係依照家庭人數編配單位供購入，同派公屋相似，三次「配房」機會用完就要重新排過；另設特快居屋出售較長時間冇人買嘅單位；售價每年檢討一次，隨市價浮動；居屋業主出售單位只可售回房署，房署必定購入單位，售價依照當年房署檢討後的價格按特定公式計算

好處舉例：想買嘅一定有得買，只係可能要等多幾年，但因為保證到有機會買所以較現時抽簽制公平

壞處舉例：買樓冇得揀樓，變咗排公屋咁，會冇咗買到居屋嘅優越感；可能要好多年先買到樓；冇得想買就買

單選投票 共有 67 人參與投票

1. 支持

2. 反對

3. 無意見

您所在的用戶級別沒有投票權限

sallyjeffy

回應 #1 dragon00

支持！另外、如果彈性一點、例如3 人家庭想買4人單位、可否排4 人單位不過推遲例如5000 個號碼咁？

dragon00

回應  dragon00

支持！另外、如果彈性一點、例如3 人家庭想買4人單位、可否排4 人單位不過推遲例如5...
sallyjeffy 發表於 2019-10-19 10:27:08 原文

或者可以喺申請時選擇單位面積，好似現時揀地區咁揀，但可選單位面積要有上限，例如3人家庭只可揀500呎以下、2人家庭只可揀400呎以下、1人申請只可揀300呎以下

eatogether

住完居屋賣返俾房署？ 咁樣住居屋嘅成本可係$0，比住公屋更抵，仲有錢賺

dragon00

住完居屋賣返俾房署？ 咁樣住居屋嘅成本可係$0，比住公屋更抵，仲有錢賺
eatogether 發表於 2019-10-19 12:40:03 原文

本身都係差唔多啦，只係爭在賣出自由市場同賣番比房署

muimui0123

Yywong

支持

Toao

SLLAM

雖然睇落好似公平，幾多人住就配幾大間屋，但咁樣人數少嘅公屋住戶就一定冇機會透過買居屋增大居住面積，所以其實就係拆西牆補東牆。咁貴買間屋其實都係想住大啲，以及預留將來生細路所需要嘅額外空間。咁搞法，就一定要先結婚生仔再抽居屋。另外，版主打唔打算規定，將來如果家庭人數縮小，就要換過間細嘅居屋畀業主呢？

其實，計我話，最好都係改善現時嘅公屋政策，規定收入或資產超出就唔係趕佢走，而係要佢繳交足夠支付公屋興建、管理及維修費用嘅租金。另外仲要大幅興建公屋，放寬公屋申請門檻。

SLLAM

補充一下，其實版主係咪覺得居屋唔係按家庭人數分配面積好唔公平？如果係嘅，我以上嗰個改善現行公屋政策已經可以解決你嘅問題。因為我嘅建議可以保留按人數分配面積嘅原則，令日後家庭人數增多嘅住戶可以換大啲嘅屋（你對居屋政策嘅提議就欠缺呢個好處），又可以使較富裕的租戶繳交較多租金，變相不再是拿房屋福利。最重要是保障每個公屋居民，不會因為勤奮、上進、儉樸、自力更生等美德而失去住屋保障。