換大門及鐵閘鎖胆, 請小心｡

bittiek

換大門及鐵閘鎖胆, 請小心｡

前天買了新鎖胆，自己動手換大門及鐵閘，事前都已經上youtube睇咗教學片，不過仍然發生意外。

換大門鎖胆算順利，但忘記了一些細節，錯用暴力，結果整爛咗門側近鎖頭位，好彩關咗門睇唔到。所以想自己換嘅最好一路睇片一路換。

換鐵閘鎖胆就大鑊好多，個鎖胆樓下五金舖買，以為實食冇黐牙，點知原來個鎖胆後面塊片凸出嘅長度唔一樣(圖中藍圈部份)，攪咗好耐都入唔晒， 後尾先睇到個問題，好彩有剪鉗响度，剪返一樣長就啱晒位。

但係因為鐵閘鎖頭位置空間有限，又要鎖胆同鎖芯對位，又要同時穿條定位 pin，一唔小心捉唔實個鎖芯(圖中紅圈果件嘢)，成個鎖芯跌咗入鐵閘入面，係入面呀！即刻驚惶失措唔知點算，唯有打電話俾五金舖叫佢搵師傅上嚟睇，係等待期間啱啱 lkex 上黎裝電視柜， 靈機一觸即刻問師傅有冇電鑽同鑽咀，借咗黎鑽開鐵閘凹入去果個推拉手位 D拉釘，伸隻手入去推返個鎖芯上去鎖頭位置，即刻掹返個鎖芯出嚟，最後成功更換咗鐵閘鎖芯。

哩 D 意外都係睇教學片冇提到嘅，所以各位谷友如果想自己換就一定要小心。如果冇乜信心，都係交返俾師傅換好 D。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

緣來是你

回應 #1 bittiek

我屋企換果時都有呢個問題，我買時舖頭個人話一定換到，但師傅幫我換咗好耐都換唔到，我返五金舖換，佢先同我講，條脷長啲㗎嘛，要磨短啲㗎，我當時竟然唔記得閙佢，唔早啲講

bittiek

回應  bittiek

我屋企換果時都有呢個問題，我買時舖頭個人話一定換到，但師傅幫我換咗好耐都換唔到，我返...
緣來是你 發表於 2019-06-08 11:28:37 原文

係呀，舖頭都冇同我講，仲話實啱架。

MTCHUNG

弱弱一問，可唔可拆咗舊鎖胆隻腳，同新胆隻腳對掉？

salafefafa

謝分享

小白龍

ray12381222

ricklawhk2018

弱弱一問，可唔可拆咗舊鎖胆隻腳，同新胆隻腳對掉？
MTCHUNG 發表於 2019-06-08 11:47:05 原文

調吾到。房署用的和出邊買的方向不—樣。樓主攪梗大鍋。動手前吾刨下本論壇。有街坊講得好詳(包括剪脷) 。其實滿東換兩個鎖都算簡單。木門拆一粒鑼絲。鐵門拆—塊面板，取條鋼針出來就得。我荃灣買返來都要剪脷。過老板都實牙實齒話滿東公屋—模—樣都冇同我講要剪脷

bittiek

弱弱一問，可唔可拆咗舊鎖胆隻腳，同新胆隻腳對掉？
MTCHUNG 發表於 2019-06-08 11:47:05 原文

D 螺絲好實，扭唔郁， 我諗用工具夾實，用衝擊螺絲批應該乓鬆到 D螺絲。當時冇咁多工具响到，最真接方法係整短新果個。

yannie719