浴屏爆強化玻璃問題

aleon

浴屏爆強化玻璃問題

想裝強化玻璃浴屏 , 上網搵資料時發現好多玻璃浴屏自爆個案 ,  有裝浴屏的街坊  想問有無人裝纖維 (膠)浴屏 ?

lingpigpig1314

回應 #1 aleon

我係一個正式的玻璃佬，可以提供少少建議俾你參考，浴屏而家一般都會強化，自爆係會有機會，但機會唔大，可能上千套，會有一，兩件，（係計正式屬於自然爆計） 其實有d 所謂自爆，原因可能未必真係自爆，可能裝工時有硬物接觸到，用一排後受力壓爆，又可能人為推門撞爆有時都未必知道，因為知道時已經爆左，另外就玻璃出廠時有問題，例如見得到的氣泡，等等。。其實有幾個方法可以另你安心d,當然呢個只係在於安全角道上去想，做出黎可能會貴好多
方法一  強化都分兩種，一種係普通強化，另一種熱浸過既強化，貴d,熱浸強化我理解，大概意思係將一件已強化的玻璃，再入爐加溫一段時間，另佢入面d 分子平均d,另日後出現變化另到出現自爆的機會再一步降低（有錯請更正，因我都只係一個裝工師父）唔係做廠。即係話做熱浸強化，就自爆機會，好少好少

方法二  選擇全邊包框的款式，好處係玻璃四邊有玻璃膠痴住，就算爆左，一般都唔會即刻碎落地，（強化玻璃因密度高，爆時會向四邊散開，如有包框，即係散唔開，一般玻璃在隨直狀態，唔會散落黎，等你有時間走開，唔駛受傷

方法三 雖然四邊包框會安全d,但有時講求款式，（高級）d,可能會選用靜玻璃，不包框，簡潔d,呢個時喉可以選擇夾膠兩層的玻璃，5mm+5mm/ 6mm+6mm 等等，爆左一塊，都會痴住，唔會碎落地

方法四 表膠紙，安全防暴紙，又係用意爆左無咁易碎落地，但膠紙用耐左可能會花會濛

大概都係以上幾種方法，如果有小朋友呢，都係用夾膠，或者單浸玻璃四邊包晒框好d 囉，我認為

不過用膠板黎做浴屏就好少人做，因為難打理，容易濛，變型等等，如果做浴屏，都係玻璃啦，

做膠板，會比玻璃貴好多

希望幫到你

lingpigpig1314

想補充一點，講番轉頭，真係自爆的機會，其實都好細

lisubing1984

同意樓上師兄所講，浴門自爆可能性唔太，通常系溫差太大或者使用不當先會令玻璃爆裂，如果想安全D同屋企有小朋友，建議加防爆膜，就算萬一唔好彩玻璃爆咗都唔會彈到周圍都係。另外據我所知浴門應該做唔到夾膠玻璃

羅恩恩

ray12381222

謝謝分享

晴朗浴屏

通常裝起一年內冇爆，質量應該冇問題
同樓上師兄講既一樣，可能裝得唔好/人為推撞或日子有功移左位等

熱浸好少會做，因為成本增加，賺少左
主要原因係自爆機率係千分之三，唔合乎效益

夾膠好少用響浴屏上，雖然安全，但較脆弱…
可能在運輸時已經崩左爆左，成本可能係普通強化既兩三倍
如果係趟門款，可能輕輕趟埋牆就爛了…

PC膠板係安全，不過都係有唔耐刮同成本貴既問題(兩三倍)
中空板就同玻璃差唔多價錢，但外觀上就相差好遠

貼防爆膜較經濟，缺點同樓上講既一樣

fredericoroza1

kikiyoyo

你哋喺邊買浴屏？幾錢？

@happyhongkong