|
心情動態：
來自彩德邨 |
提防TVB職員!!
琴晚大約10點左右
有個女仔話佢係TVB職員又比左職員證比我地睇，媽就比左佢入黎 佢一入黎就問我地拎左個搖控器係度禁，又話咩因為而家彩德未有衛星，所以幫我地免費裝個衛星 仲拎哂D合約出黎叫我媽簽名 佢一路填form一路就話免安裝費免e樣免個樣 佢講野快到癲 都未消化完佢就叫我地簽名 簽完之後佢又話要$2.8一日即係約$90一個月 又問我地拎戶口no，我媽話唔比佢話而家唔需要喇 點知佢就打比個個主任，講左一輪都係唔可以取消合約 媽火都黎話佢地逼我地要，點知個sales係度發哂脾氣 跟住我爸就報左警 個警察叫我地去消費者委員會個度告佢地 原來佢地仲錄埋音 11點又打個黎話咩聽左錄音 合約正式生效 我媽聽完嬲到即刻cut線，關機 但係點樣先可以取消份合約 唔通真係要一個月交$90仲要交足兩年- -  唔係比唔起 只係唔值得 而且個個sales同佢個個所謂主任都好寸 服務態度勁差 睇到火都黎  老實講，佢地講野太快，未考慮清楚就叫我地簽名而家有咩辦法可以解決e件事 |
||
|
|
|||
|
心情動態：
來自非公營房屋 |
1. 點解比陌生人入屋? 就算出示警察委任證都要有搜查令
2. 點解唔問月費幾多? 以為呢個世界有免費午餐? 3. 點解唔考慮清楚就簽? 佢叫你簽就要簽? 
|
||
|
祝未上樓朋友早日上心水樓；祝已上樓朋友安居樂業！
如果大家有任何疑問或分享, 建議大家在適當分區建立帖子｡
|
|||
總之不要比陌生人入屋...
