事源係咁既..我係24號.11點45個輪揀屋.6個人
我心水一直都係海盈.之後係蘇屋.
不過23號個日.海盈同蘇屋既4-5已經全清
所以我同老公突然間諗起梨木樹.荔景邨同麗瑤邨.
都可以係我地選擇既範圍.因為為左就近我媽咪可以幫我湊小朋友.
所以我尋晚做左關於梨木樹既功課.
奈何荔景邨同麗瑤邨真係實在太舊.
真係做唔到太多既資料搜集.
所以我對梨木樹既兩個5-6人單位都抱住大大既希望..
但可惜.我去到揀屋個到.
梨木樹個兩個單位都比人揀左.
所以最後我係冇諗太多既情況下就揀左荔景邨既樂景樓.
但我揀完之後.再諗番.
我揀左呢個單位係比起我依家住既南山邨更耐歷史.
其實我今日都不斷咁問自己到底係咪揀錯左.
如果比著大家.你地會唔會同我做一樣既決定...