2018年特快選擇長者屋，如達到擠迫舒緩是否一定要等三年？

jinny

2018年特快選擇長者屋，如達到擠迫舒緩是否一定要等三年？

其實想知道一個問題，長者屋限制男女的，如參加2017年後的特快編配，如三年內有結婚生仔甘樣情況，都要等三年才能一齊住？
https://www.housingauthority.gov.hk/tc/public-housing/tenancy-matters/transfer/twor-and-lsits/index.html

甲部分提到：

(10) 若任何居住密度少於每人5.5平方米的租戶是透過2017年前舉辦的「特快公屋編配計劃」獲配公屋單位，他們可參加是次計劃。但由2017年開始經「特快公屋編配計劃」獲配公屋單位租戶，即使居住密度少於每人5.5平方米，他們須由原單位租約生效日期起計，直至截止申請日或以前已滿三年，方符合此計劃的參加資格。


乙部分提到：

(乙) 「長者住屋」租戶

「長者住屋」的租戶於結婚或家人團聚後，未能解決住屋問題，必須先向屋邨辦事處或租約事務管理處提出擬加入戶籍人士的申請，房屋署會按現行的加戶政策來考慮批准擬加入戶籍的人士，並依照既定的調遷機制來接納「長者住屋」租戶申請是次計劃，而他們亦必須符合上述一般公屋租戶的申請條件和細則。

所以選擇特快長者屋系比較困擾的問題，大家有無相關信息？

wendy1121

LittleTina

其實想知道一個問題，長者屋限制男女的，如參加2017年後的特快編配，如三年內有結婚生仔甘樣情況，都要等三...
jinny 發表於 2018-12-28 17:39:06 原文

我o係2016年email去信問過呢個問題, 就係話唔洗3年都得ge.
長者屋住戶結婚／生仔呢d加人的case, 因為長者屋唔係預你結婚生仔後家庭式居住,
處理方法係唔會直接加入戶籍, 會係以原則上暫准的型式批准擬加入戶籍的人士,
就算唔參加擠迫戶調遷, 村辦都會自動幫你排隊安排「村內特別調遷」, 盡可能快d分返同村的獨立單位比你, 然後再正式處理返加入戶籍事宜
但係2017年之後的特快計劃條款唔同左, 就真係唔知係咪要等夠3年先得啦……
建議你可以自己去問下睇下轉條款之後係咪多返個「3年之限」

jinny

我o係2016年email去信問過呢個問題, 就係話唔洗3年都得ge.
長者屋住戶結婚／生仔呢d加人的case, 因為長者屋...
LittleTina 發表於 2018-12-28 22:30:25 原文

就系咯，2017年後的特快條例變左，可能系太多人用特快上樓再改變人口吧。但長者屋，都唔知個條例會點樣處理？唔好話擠逼問題，關鍵長者屋分男女，又唔可以異性留宿，又話一定要等三年...撓嗮頭。如果邨內有特別調遷都仲好滴

LittleTina

當時我係問關於2人家庭揀2人長者屋的事,我放埋房署的reply出黎,有興趣可以睇睇,或者可以幫你了解多少少長者屋的政策之類, 不過記住, 我係2016年10月的時候問ge, 依家可能改左制都唔一定


另有關對「長者住屋」類別單位的查詢，回覆如下：
(a)        若2人家庭申請者屬夫婦(即男女)組合，可按照剩餘單位名單內相關單位的備註(2)所註明的適合入住家庭成員性別組合揀選此類二人「長者住屋」類別單位。目前剩餘單位名單內共7間二人「長者住屋」類別單位，全部均適合夫婦(即男女)組合家庭揀選。
(b)        由於「長者住屋」類別單位面積較獨立單位小，屋邨辦事處一般不會批准暫准居住申請，此類單位只可供二人家庭入住，若申請者夫婦入住此類單位後因生育或其他原因增加家庭成員並且獲屋邨辦事處發出「原則上批准書」，將不會於現居「長者住屋」類別單位的租約加入新成員戶籍，只會於調遷其他單位後的新租約才加入新成員戶籍。
(c)        承(b)項內容，居住於「長者住屋」類別單位的家庭若獲得增加家庭成員的「原則上批准書」，屋邨辦事處會隨即協助此住戶調遷，一般情況下只可邨內調遷，若邨內不設有相關家庭人數编配標準的單位才會獲安排特別調遷至同一地區內其他屋邨的單位，以便有關住戶可入住切合其新家庭人數編配標準的單位。
(d)        根據現行政策，房屋委員會轄下所有公共屋邨出租單位只會以單位樓面面積除以居住於單位內已登記的家庭人數計算(家庭傭工及暫准居住人士並不計算)，人均面積少於5.5平方米才屬擠迫戶，有關「長者住屋」類別單位的樓面面積會包含部份共用空間面積，「特快公屋編配計劃」的可供揀選單位名單內各「長者住屋」類別單位所標示的「樓面面積」一項已提供有關單位的樓面面積數據供申請者參考。

「特快公屋編配計劃」申請者家庭入住「長者住屋」類別單位後，一般要遵守入住公屋單位首三年調遷限制，若獲屋邨辦事處批准增加家庭成員，由於要解決改變家庭人數後該公屋住戶的基本住屋需要，因此，屋邨辦事處會協助該住戶申請特別批准及辦理調遷，豁免入住首三年的調遷限制，讓該住戶在房屋資源許可的情況下盡快調遷至符合相關家庭人數編配標準的公屋單位。

jinny

就係2017年改左，唉～
唔通唔批准就唔結婚唔生咩

LittleTina

就系咯，2017年後的特快條例變左，可能系太多人用特快上樓再改變人口吧。但長者屋，都唔知個條例會點樣處理...
jinny 發表於 2018-12-28 22:43:23 原文

我的理解就係, 如果你住長者屋, 註左冊結婚都一定要分居的, 因為佢唔會批加人入戶籍,
你只能等佢擠迫戶調遷或者村內調遷先可以同居了
你可以email去問下啦, 我當時係發去hkha@housingauthority.gov.hk問的,
講到明「本人希望獲得電郵書面回覆，如1823職員沒有充足資料及肯定的答案，請將問題交與房屋署職員回答，謝謝。」

LittleTina

就係2017年改左，唉～
唔通唔批准就唔結婚唔生咩
jinny 發表於 2018-12-28 22:48:54 原文

應該係要預先註定冊/一夠16周就通知定先
等佢慢慢安排好調遷先真係擺酒結婚搬埋一齊/生個B出黎

jinny

我的理解就係, 如果你住長者屋, 註左冊結婚都一定要分居的, 因為佢唔會批加人入戶籍,
你只能等佢擠迫戶調...
LittleTina 發表於 2018-12-28 22:50:47 原文

我的理解都係甘樣 ，即係入住後萬一3年內結婚生仔一定要分居  ，如屋邨唔幫手調遣，要合住就要系出邊租屋，當然對方有樓就唔使憂  
電話問1823，話唔知，房屋處通過一次電話，話他們個度答唔到，要問屋邨。關鍵屋邨麼仲系跟房屋署條例？

jinny

應該係要預先註定冊/一夠16周就通知定先
等佢慢慢安排好調遷先真係擺酒結婚搬埋一齊/生個B出黎
LittleTina 發表於 2018-12-28 22:52:41 原文

唸到呢個問題所以提出問問姐，未見影