申請編號

candy0101

申請編號

我既申請編號係U036xxxxx，非長者一人申請者，宜家得56分。
我知正常隊派到2046都未到我。
而我今年既特快編號係P054xxx，上年係P075xxx。
我見今年P040709同P039XXX都有長者屋揀樓通知。
假設編號每年向前一萬，兩年後我係唔係應該都有得揀(咩屋我都接受)?

ckw1213

年年唔同, 今年可能高分過你的申請人唔參加特快, 你no咪前好多囉! 到下年高分過你的人都參加特快, 可能no仲後會過今年。

SY301

candy0101

回應 #2 ckw1213

編號唔係只會向前，唔會向後既咩?(我見之前有人話只會向前)

Kw123456

,

ckw1213

回應  ckw1213

編號唔係只會向前，唔會向後既咩?(我見之前有人話只會向前)
candy0101 發表於 2018-12-27 00:54:12 原文

特快係每年獨立自願申請, 例如我70分上年唔申請, 今年申請, 我高分過你, 今年就會插在你前面, 你今年有可能會後咗。

ineedhouse

得56分，你諗下點發達仲實際
原因:單人特快都係跟分數派，即係只要有45歲或以上的人申請公屋，佢地入表果刻已經嬴你9條街
(45-18)x9+60=303分>>>>>>>>>>56分；(303-56-60)/12=15.58，即係你至少要等多15.5年先同佢地平手(前提係你15.5年後要有45歲+每年抽查你都唔超額)
而單人申請正常派屋，每年上限2200個，加埋特快單人派屋(假設有1000個,P.s應該有多無少)，總共3200
換言之，每年只要有3200個45歲以上的新申請，同時他們參加特快，加上以往參加特快既人繼續參加，你個號碼15.5年內都唔會向前。
萬一有3200個以上的45歲以上新申請，同時他們參加特快，而以往參加特快既人繼續參加，你個特快號碼就會向後移
P.s:編號只會向前係講緊家庭申請，佢地係計輪候時間唔係計分數。即使係全部家庭成員都超過45歲的新申請，佢地都唔會反超1年前開始輪候既2X~3X歲申請。(除非佢地全部家庭成員都超過60歲，排高齡人士優先配屋計劃條隊)
不過，你覺得每年都可以向前一萬個號碼既，你咪等兩年驗證下你既諗法岩唔岩囉。

ineedhouse

唔記得補充，你個號碼前得咁快係因為房署每年都會抽查排左5年以上既單人申請，而每年都有萬幾人會因超額or無回覆而被取消資格。所以愈後既號碼就會向前得愈快。但當你去到較前位置既時候，你再前面果批人就唔會咁容易被取消資格。因為佢地多數都已經係中年人，發左達既已經發左達；未發達既除非中六合彩/3T之類既橫財，否則都唔會有太大轉變，好難會因為超額而被取消資格(返左咁多年工，有本事既一早加薪/跳槽加薪，被房署取消左資格)

ineedhouse

以上既都只係本人愚見，你覺得唔岩既，可以自己等兩年睇下配唔配到長者屋黎驗證下你既看法。
真係我錯的話，我都好恭喜你可以上到樓

ineedhouse

因為我見你U036XXXX,得56分
應該係大約2013年申請，排左5年左右，即係一滿18歲就申請，依家大概得23~24歲
真係比我講中既話，不如趁後生諗下點發達啦