想請問"改善空間"揀樓既程序~

jenny2011xxx

想請問"改善空間"揀樓既程序~

雖然我仲有一星期先去樂富揀樓~但想問定當日既揀樓程序~房署叫我早半個鐘去~究竟係唔係好多人架????
因本人預產期在即~唔想同人迫~早一個鐘又比唔比我入去睇定先呢...?
謝謝~

lobblo

都多人....早小小去睇家心水先....又唔洗早一個鐘....程序都好快

jenny2011xxx

回應 2# lobblo


   謝謝你~不過會唔會出現同一時間有人同我揀埋同一個單位?我封信十點三去到~之前應該有一班揀樓團吧?

yskat

到時係分先後次序揀樓既 , T 字頭果個 NO. 就係次序
你10:15 去, 之前應該有兩班人 (約40 個NO.) 揀先

janylee

真喺早30分鐘先比你入去看的!你最好早一晚上網抄寫20個你想揀的,(編號,屋邨名稱,座名,房號)由最佳的行先,到時照抄!人太多自己小心!

lobblo

JANYLEE講得無錯....睇定就一定無死

tonyfung820

揀樓程序係一大班人入揀樓室睇有咩單位剩, 跟住一係簽放棄紙返屋企訓覺或將心水單位順序填係一張房署比你既次序紙, 跟住就會入去另一個大房, 等到頭先同一批人入埋黎或放棄走哂後, 就會順住 T 號碼叫你入另一間房, 按頭先填個張紙次序睇下個單位係咪真係未有人要, 因為頭先間揀樓房張 list 唔係 real time update, 所以個單位可能已經比同一日之前一既人揀左, 當佢睇你第一志願既單位未被揀, 佢就會問你係唔係要呢間, 你 confirm 要佢就會係個單位上印個 "SELECTED" 落去. 跟住你就出返去等叫名比封配房通知信你, 到時你就按信上既日期/時間去條邨簽租約, 成個流程大約個半鐘. 收到配房通知信後可以打過電話去該屋邨既主任, 約時間去睇睇個單位, 合心水就到期去簽約.

leungmeiyee

同意, 早D上網睇定...

maming1

thx