如果與亞媽細佬同住抽中綠置居，之後可否自己再抽居屋？

winwin1288

如果與亞媽細佬同住抽中綠置居，之後可否自己再抽居屋？

現時與亞媽細佬同住公屋，亞媽想抽綠置居，之前睇過另一個post ，話上次綠置居是所有公屋戶籍內人士要一齊簽名同意抽綠置居，咁中左之後一齊住，但業主想只寫亞媽一個人名。我有個問題，如果好彩中左，我們三個人搬去綠置居交回公屋，但因為之後細佬結婚都會繼續同亞媽住，我唔想同佢老婆一齊住，但我今年的白居二和居屋都唔中，咁如果我到時住緊綠置居，係咪就唔可以再用自己名來抽居屋？我現在真係唔知點算～無錢買私樓，想用自己名排公屋又過左入息，我單身人士抽居屋白居二又好難中...另外，請問現在公屋係咪無左世襲制？即是公屋戶主係我媽，如果我媽大吉利是byebye 左，我和細佬係咪會無左間公屋，一定要搬走交回公屋？？我同事果日咁同我講，搞到我現在好驚我媽有乜事，我地姐弟變成訓街或住劏房....請各位兄弟姐妹幫手解答一下～感激不盡～

cyster2007

現時與亞媽細佬同住公屋，亞媽想抽綠置居，之前睇過另一個post ，話上次綠置居是所有公屋戶籍內人士要一齊...
winwin1288 發表於 2018-12-02 15:03:48 原文

你媽媽百年歸老後，只要你細佬和你過到資產審查（跟公屋富戶資料要求），你地是但一個可以做戶主（自己傾掂數，房署唔會理邊個做戶主）。另外無記錯，你成為綠置居成員後要兩年先可以再抽居屋

MaggieWong

買左綠置居 業主唔係你的話 你可以用白表抽居屋
住緊公屋如果戶主媽媽不幸過世 同住兒或女 合資格的話係可以承繼戶主的

Billyncc

甘如果買左綠置居 成員之後可否另外置業（吾一定居屋） 如果可以又有冇時限 例如要兩年後

Kimi杜2012

公屋，啊媽拜拜佐，你倆唔超入息會繼續住到你拜拜

SY301

aaaaxd

芬梨

只可以享用一次，全部名抽中綠置居，你個名已被利用，所以無得再買居屋（新或白居二），而你又被利用抽中綠置居，無得再自己申請番公屋（即使入息唔過）。依家唯一做法，你剔走自己公屋個名，自己博抽新居屋或白居二，咁你媽公共單位，你媽同你細佬自己去抽綠置居囉～ 你睇唔睇到我講既先後次序？！

芬梨

假設你媽他日不在，你同細佬如果過到入息審查，可以繼續留低，不過我估你同你細佬入息應該會超

Billyncc

點解又聽人講過可以再抽居屋如果吾係戶主