|
心情動態：
來自友愛邨 |
渡輪擱淺唔使慌 乘客拍手讚船長
前晚多區大雨滂沱，天文台喺晚上10點幾發出黃色暴雨警告信號，其間一艘由中環去梅窩嘅新渡輪高速船「新輝伍」，駛至喜靈洲以北對開海面時，懷疑撞石觸礁一度停駛，有乘客大讚擱淺期間船長親自同乘客交代情況，令大家安心，最終有驚無險返到梅窩。
攞大聲公親自解釋情況乘客翁小姐話，前晚搭9點40分船返梅窩，大約10點突然感覺到渡輪嘅引擎熄晒，喺海面漂浮，「好似停咗喺海中心，唔知自己喺邊」，再望出窗外漆黑一片，面對突如其來嘅未知之數，心入面都有少少驚。佢指之後聽到幾次引擎發動聲，但隻船都唔郁，仲有船員出船艙外睇，令一眾乘客更加不安。 好在約10分鐘後船長攞埋大聲公，親自向乘客解釋情況，話天雨關係令船隻擱淺喺喜靈洲北面一處石灘，安撫大家情緒。片段見到船長指船艙即使穿咗都唔會導致沉船，有人仲自告奮勇英語繙譯內容畀外國乘客聽，翁小姐話得知自己身處喺邊後，大家都變得安心，知道有咩事都可以走落石灘，所以全部人都好冷靜，安坐座位等候。 再過多10分鐘左右，渡輪終於成功褪後返入水中，翁小姐話職員即時檢查有冇入水，再喺海事處船隻護航下到達梅窩，而岸上已經有救護車、警車等候，不過最終都派唔上用場。翁小姐讚船長處理得宜，令乘客唔使擔驚受怕，結果比想像中更快到埗，乘客上岸一刻更加「個個拍手掌，多謝船長」，相反船長仲同乘客致歉。 https://hk.news.appledaily.com/l...e/20180828/20486398  渡輪最終抵達梅窩，有警車在場戒備。 |
||
|
民主黨, 民建聯, 自由黨 它們當年全部支持賣領匯.
交椅洲填海交換成哥球地. 粉嶺住人, 交椅洲打球. = 打風睇浪 = 酷熱行山 = 寒冷露營 = 暴雨玩水
|
|||
