超級用戶
心情動態:
來自彩盈邨
|
2011-05-03 10:27:01
繁
简
粗
一行十多人出發去目的地, 雖然尋日既天氣陰陰地, 冇乜太陽, 初時都仲諗係咪會落雨架, 但好彩地又有d微風吹吓, 幾爽 最初都係諗下去石灘玩下 (因為最初諗住行短線), 但到最後, 我地決定加鐘行遠d玩水, 所以就朝向大灣進發 (來回唔計玩都要加多兩個半鐘), o 係落大灣既時候, 都俾d霧遮住哂, 望唔到遠架, 就算我地落到大灣沙灘都係霧霧地, 我地首先坐低食左自備既lunch , 食飽飽之後, d小朋友已經急不及待向水邊衝出去玩, 跟住其他朋友仔, 亦陸續出去玩.... 不久, 我地已經捉到第一隻蟹仔, 繼而第二隻, 第三隻..再多再多~~ 轉下頭, 又有魚仔, 蝦仔, 海膽, 海參, 青口, 鬼爪螺等等, 真係好多收穫..... 大約玩左兩個鐘多d, 我地要收拾行裝開始回程, 其實當大家玩完行回程路都真係幾辛苦架, 上去既路, 斜路好多, 行到腳仔都軟埋 , 大概行左一個鐘, 終於上返高位, 但轉個頭又要落山, 因為天色開始微暗, 我地就加快腳步向黃石碼頭前進.. 終於我地o係天未黑之前到達, 完成尋日既行程..
|