無縫地板 vs 膠地板

renee1018

無縫地板 vs 膠地板

邊隻好d呢 ?

我計過佢地都係差唔多價錢, 無縫地板有好多野要買 (地腳線/珍珠棉/....), 但係膠地板就只係買板同膠水, 所以都唔知邊個好, 麻煩大家俾d意見

laamlaam1010

我就揀左用無縫地板

waitinglee

邊隻襟?

renee1018

我都好想知

VickYeung

回應 1# renee1018

無縫地板耐用D，不過都要睇你中意咩腳感，你可以請教KO.DR. ~

KO.DR.

今時今日D膠地板已經唔同晒，再唔係以前咁"娘"四四方方，款式又多。膠地板好處係易打理，冬天時行過地面又唔駛咁凍，而且膠地板唔會跣，如果屋企有老人家會更比磚地安全。另外，膠地板價格有平有貴，視乎不同生產商或膠料厚度而有所分別。膠地板不論材料以及鋪人工都比鋪磚平，過幾年唔鐘意換晒成屋都唔會太貴。

下面幾張圖係其中幾款木紋膠地板，睇上去真係好似木地板，但係佢比木地板易打理好多，唔覺意打瀉杯水都冇有怕，搵地拖拖番乾個地面就OK。但係舊式又失修既舊木地板就唔同，一入水冇耐就會"慢慢變黑亦得、立即變黑亦得"。膠地板另一個好處係冇木板咁易藏蝨或白蟻，家居會比較衛生!

如果你要鋪地面，可以考慮膠地板!!

無縫地板

防潮不變形　無罅不積塵
市面上木地板款式包羅萬有，主流的實木地板，最大優點在於表層的天然木紋及質感，不過潮濕的變化會令天然木材脹縮，容易形成隙縫，甚至翹起；針對實木地板問題而出現的復合木地板及無縫地板，簡言之可以夾層地板分類，表層為實木，中間層為夾板，最大分別在於兩者的夾板層用料不同，而前者如實木般一件件鋪砌，後者則屬於一大塊扣板，鋪砌後無縫無罅。

論防潮性能，復合木地板及無縫地板均有不俗的表現，亦不易變形，均適合香港四季分明的環境使用，而質感及觀感上則以前者更接近實木地板，不過，無縫地板卻可做到表層無縫無罅，不怕藏污納垢。
無縫地板跟傳統實木地板一樣，需要安裝底板，不過，無縫地板色彩款式選擇比實木地板多，而且可自行鋪設。板面是利用扣件方式將板與板之間緊緊扣實，免卻拋光打蠟的工序，大大縮短鋪設時間。打理方面，只要以清水拖地便可，若想令地板更為耐用，可多使用無縫地板專用清潔劑。分實木面膠板面兩類
現時無縫地板可分為實木面三合板及膠面高壓板兩種，實木面三合板主要由幾層或多層經過防蟲防霉處理的松木單板壓製而成，再加上一層單木材表層無塵淋漆處理。三合板式的結構令木材不易變形，鋪裝容易，耐磨性高，但板料較實木柔軟，表層容易造成壓痕或劃痕，而且不能如實木地板般「翻車」磨走瑕疵。
至於膠面高壓板由多種物料綜合做成，板面物質為纖維，打理比實木面三合板較易，但欠缺實木原有的天然質感。

木地板保養

木地板不論款式，保養要點其實分野不大：

1.不可用滴水的地拖清洗，亦不宜加添強力清潔劑，以免破壞面層的保護及光澤，尤其是不能「翻車」的無縫地板和復合木地板，更要注重面層的保養。

2.板面染污應及時清理，若有油污，可用抹布沾溫水擦洗，若是顏料，必須在污迹未滲入木質表層前加以清除。

3.木地板抗壓防刮硬度始終不及地磚，應避免尖銳物劃花板面，更不要在木地板上拖動沉重的家具。

4.實木地板最好每三至六個月打蠟一次，經常打蠟可保持地板的光潔度，延長地板的壽命；無縫地板及復合木地板，可按廠商指引處理。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

renee1018

死啦，各有各好，點算呢？
將軍澳咁潮濕，用邊隻好d呢？

small2

無得諗,一定係膠地板.

bonce

good idea

mamafan

边到有得賣呀? 什麼牌子無縫地板 or 膠地板會好D呢?