唔開心揀錯醫生比阿女

蛋糕妹

唔開心揀錯醫生比阿女

想同大家借個地方"伸"下，件事長左d希望大家唔好介意~~
阿女係前晚開始發燒(耳探約38.4)，但無其他唔舒服(好精神)，觀察到昨天中午都係38.7就帶左阿女落牛頭角康x醫務中心睇左個姓溫的醫生，因為第一次睇佢都見佢有掛兒科證書，心想都可靠，我抱住阿女比醫生睇喉嚨，睇耳仔，聽心肺，最後判斷只係感親發燒，開了退燒藥和敏感藥就走~~~
昨晚阿女食過藥後頭一兩小時d燒就低了點，但不久又高番，整晚不斷上上落落，到今日見阿女連粥都唔想食(之前一路肯食)，就是這樣病情明顯嚴重了，耳探已經去到39.2，我打番去醫務所我都未講完病情姑娘就只叫我落番去睇溫醫生，我立即落去，溫醫生又睇喉嚨，聽心肺，睇耳(話好多耳屎睇唔到咩)，跟住佢話見意去醫院，因為算高燒，我立即驚起黎，因為而家d細菌太利害了，我便找保險經己代我找醫院，點知回覆九龍區醫院full晒要去銅鑼灣聖保綠，我去飛番屋企汁野，老公亦早放工番到黎，我地座地鐵去銅鑼灣，途經旺角，我和老公都決定睇多次阿女一路睇開的兒科醫生(係旺中)，點知原來阿女係喉嚨發炎(幾嚴重)加生左粒飛之係喉嚨而令d燒又高又底，番到黎食左一次退燒和燒炎藥過左兩個鐘就退了燒~~~
我真係好唔開心幫阿女揀呢個醫生，我想係呢頭找番個家庭醫生方便點，點知累阿女個病拖長左！！
我唔敢講呢個醫生唔掂，可能其他人睇ok，我唯有講呢個醫生唔夾阿女，但係我真係唔明喉嚨發炎得咁嚴重個溫醫生睇過喉嚨都可以無話冇事！！

kenny

家庭醫生真係人夾人緣, 我仔仔細個都有相似經歷,
所以而家搬左, 如果真係要睇醫生, 遠D都去返睇開又ok果個,
吾好吾開心la~~
祝你女女早日康服

bda

祝妳女女早日康復

我係女仔

咁你女女而家點呀

pegpeg

希望你囡囡快Ｄ好番

蛋糕妹

好多謝大家
我已後都會番去原來個醫生了
佢而家已經退燒，但都擔心晚上會番發，所以都未放心晒~~
仲有好笑事和大家分享下，開頭未知喉嚨發炎時我問旺角個醫生"唔知阿女係咪吽大牙所以發燒"，點知個醫生笑我話"無呢樣野嫁"~~呵呵第時大家都唔洗擔心bb出大牙了

kw_sir

傻女, 喉嚨發炎係可以好嚴重, 一日未好番, 係會燒下退下三日到, 起碼要成個禮拜先好番d, 唔好燒過三日就ok, 連續發燒唔退既話, 就要擔心d
唔好怪自己, 你咁樣做都好正常, 近d又方便d係好既, 不過個醫生都係第一次睇你個女, 無病歷, 係咁架喇
咁而家你女女好d未呀

VickYeung

點解要咁得意嘅小妹妹受苦...

算數啦 你都唔想 以後錫佢多D囉 ~
我覺得呢位溫醫生有D疏忽 大家要做個備忘 ~

patsyli1121

祝妳囡囡早日康復！

mini

希望你女女快d好番啦...
你都要好好照顧自己身體呢..