有關於居屋2018印花稅問題

ppower

有關於居屋2018印花稅問題

想問下, 我有興趣抽居屋, 我係綠表申請, 如果成功買到就會係第一個自住物業, 呢個情況要唔要交印花稅? 上政府個網佢話禁樣計:

禁咪買350萬單位成7.8萬稅?禁即係首期連稅25.3萬?

同埋, 想問下買樓個過程係點架?

上網Search過, 選樓當日要比最小5%首期支票, 之後當日下午去銀行搞按揭, 但可以詳細小小講講買樓開支嗎?

不過呢期應該都好多人抽, 為搏一搏

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

karmelchan

首次置業都要印花稅，居屋印花稅係計市值唔係計買入價，要乘番某個百分點計番市值。以最近房協居屋為例，乘左1.14計印花稅市值。即係$350萬居屋印花稅市值約$399萬，用番稅局網站計，印花稅應該係$89775

https://www.ird.gov.hk/chi/ese/sd_comp/csdpt.htm

除左首期，最大開支一定係裝修，房委會居屋係清水樓，裝修費$20萬到$30萬起跳。其他雜費預總共幾萬蚊。即係買$350萬居屋前期開支約$50萬-$60萬左右。

chenjoyce888

俾我抽到都无钱俾

ppower

原來禁貴架...
綠置居會唔會便D呀?  定還是都一樣 聽聞黃大仙柴彎好似有機會有綠置居

simonwu

首置一樣要交印花稅，但符合條件嘅話就可以免辣招，以最低標準繳交。

稅率係依房委會嘅定價計算，唔係交易價。以往經驗，呢個定價一般係交易價 * 1.1x 左右。如果樓價 350 萬，預計都應該係屬於 2.25% 嗰一級。

揀樓應該喺樂富進行。到你嘅時候佢會有信邀請你出席，然後就按編號順序揀樓。如果你決定購買單位，佢會有時間畀你去銀行買本票，然後同一日內交返去，唔需要用私人支票。按揭係臨近收樓先做，揀樓當日畀咗 5% 訂金 (綠表)，簽完文件就走得。

CWL147

原來禁貴架...
綠置居會唔會便D呀?  定還是都一樣 聽聞黃大仙柴彎好似有機會有綠置居
ppower 發表於 2018-03-26 22:00:40 原文

新蒲崗 景泰苑 都唔平㗎大單位也要二百九十幾萬…嚟緊嘅綠置居要睇下地點如果係九龍嘅一定有係咁貴

ppower

首次置業都要印花稅，居屋印花稅係計市值唔係計買入價，要乘番某個百分點計番市值。以最近房協居屋為例，乘...
karmelchan 發表於 2018-03-26 21:44:54 原文

禁個印花稅幾時比架?定還是計埋落按揭到分25年供?

karmelchan

禁個印花稅幾時比架?定還是計埋落按揭到分25年供?
ppower 發表於 2018-03-26 22:11:16 原文

印花稅收樓俾，無得計落按揭到分25年供

ppower

首置一樣要交印花稅，但符合條件嘅話就可以免辣招，以最低標準繳交。
稅率係依房委會嘅定價計算，唔係交易...
simonwu 發表於 2018-03-26 22:01:06 原文

想問下咩情況下可以免辣招, 佢個網
https://www.ird.gov.hk/chi/faq/bsd.htm

睇落無一樣係符合綠表申請人資格, 即係無得免?

最低標準即係100蚊? (無論我買400萬樓定159萬樓都係100蚊?)

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

karmelchan

想問下咩情況下可以免辣招, 佢個網
https://www.ird.gov.hk/chi/faq/bsd.htm
睇落無一樣係符合綠表申請...
ppower 發表於 2018-03-26 22:15:03 原文

首置印花稅無得豁免，唔使多諗。$100印花稅係俾市值$200萬樓下嘅樓，今期東涌最細單位有機會。