房協剩三個細單位 公屋戶為上車大轉細都願

楊管

房協剩三個細單位　公屋戶為上車大轉細都願

房協兩個資助房屋項目將軍澳翠嶺峰及屯門翠鳴臺銷售接近尾聲，截至今早(20日)10時半，只剩下翠鳴臺3個一房細單位待沽。房協全日邀請3046人出席揀樓，全為綠表家庭申請人。大批申請人一早到場希望「標尾會」。

胡先生一家三口現時居於葵涌一個300呎公屋單位，雖然只剩下200多呎細房單位，仍希望成功揀樓，「都知係雞肋，三個人住好迫，可能要訓廳或碌架床，但係都想轉咗出去先(上車)，始終公屋好多限制，一陣又話你富戶」。他形容早10年已感到樓市異常，但一直認為會有周期，豈料愈升愈有。

黃先生一家三口一早到場揀樓，是今日首批揀樓人士，他表示由於單位計劃由女兒一人入住，不會嫌細，交回公屋後，夫婦二人將計劃買樓或租住私樓，「幫咗個女先」。黃先生指現時居屋入息限額太低，大學生畢業一兩年已超額，但私人市場又應付不了，導致上車非常困難。

女兒黃小姐指畢業後兩年儲蓄20多萬港元作首期，擔心樓價繼續飆升，渴望盡早上車，「有機會就去，日後換樓都易啲。」

吳女士與兒子申請輪候公屋已5、6年，現時與親戚同住一單位感不便，希望盡早搬出，早前獲派沙田公屋單位，但她希望「有自己地方」，放棄上樓，改以綠表資格申請房協資助房屋，「屯門位置同價錢都唔係咁好，都係人哋唔要我哋先有機會，因為綠表資格會過期，有得揀都要揀」。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

SLLAM

以前公屋換居屋可以細換大，而家就大換細，仲要極貴

wmlyung75

係.....問題係冇人知再過幾年可唔可以變番細換大定係冇機會再換, 因為個價升到買唔起

tomlam@TM

大學生畢業一兩年已超額!

做投行 / 西醫 ?

hungmo

樓市咁攪法無眼睇  

polly.polly.tai

Cynthia304

Sad

eatogether

綠表趕住上車, 仲要搬細屋, 係好愚蠢既事

1068