|
心情動態：
來自油麗邨 |
如果三人家庭,有小朋友抽中裕泰苑買唔買得過?校網OK嗎? 睇餸食飯啦！ 有鬆動錢，就梗係唔買東涌啦！ 但如果一般般，又負擔得起東涌新居屋， 其實都唔錯吖！ 小朋友讀書校網，我覺得邊度都差唔多，主要睇小朋友能力及性格。如小朋友並非名列前茅，唔識多種樂器及運動，名校都唔收小朋友。。。如果小朋友讀書開心，壓力又冇名校咁大，大人小朋友都咁開心。當年我哋咪又係冇壓力，開心快樂成長！ 東涌一步步發展，會越嚟越好。只要啱你，其實都唔差。我就會主要睇返工既交通，你接受到，返工放工搭車唔遠就ok。。。當年，各有親戚買新市鎮抽新居屋，80年代「大圍」，90年代「將軍澳」及「馬鞍山」，我哋想當年都覺得「唔係呀嘛？咁隔涉！」。。。到而家，捱吓捱吓，度度都發展得好完善，又好住，層樓由幾十萬，變幾百萬。 樓主，如果你負擔到，去馬啦！加油呀！ 
|
||
|
|
|||
|
心情動態：
來自油麗邨 |
回應 mimemike85 明白哂！ 如果唔關銀碼事，咁就係睇彩數啦！ 如果買到市區，就一定係市區，交通方便又保值能力高。。。但如果到時冇市區揀，就睇你甘唔甘心買東涌啦。 凡事無絕對！而家唔入市，又唔知下次抽居屋連揀樓既機會有冇；又唔知樓價會唔會向下滑，定繼續爆升，如果爆升，下次有得揀都未必搞得掂。。。好彩既，買左樓之後，東涌層樓繼續升，手持既資金就冇貶值啦，你又唔洗交貴租(估計你租緊私樓情況下)，又或者唔洗俾房署做富戶審查。。。一籃子因素，就要睇你家庭決定。  祝你好運！ 
|
||
|
|
|||
|
心情動態：
來自油麗邨 |
回應 mimemike85 而家買樓，諗既問題就更多，冇以前社會咁單一。。。就算唔係名校，某d學校喺區內最出名，小朋友都好大壓力，老師逼得好緊，又要小朋友多元化，唔簡單。我寧願普通學校就ok，呢方面我要求好低調只想小朋友健康快樂成長！
|
||
|
|
|||
