各位好，尋晚收到配房通知信見到派咗順安邨，今日會去佢地個屋邨辦事處問下睇下有無得睇下間屋先。
另外信入面仲有份“入住公共房屋聲明”要報每月平均入息同資產，有幾個問題想請教。提供d資料先，我每月底薪系固定，但上年11月公司無啦啦加咗我1千蚊人工，我即時同公司講話我申請哽公屋唔想超入息，所以公司就起我12月份底薪扣翻個1千蚊，之後都維持翻我原本噶底薪。
1.我呢個情況起計每月平均入息噶時候應該當系非固定底薪去計定系固定底薪去計？
2.假設用固定底薪去計，我見指引d字眼系“應以辦理簽約手續日前一個完整曆月”同“最長計算期一般爲6個曆月”，請問每月平均入息噶計法系咪將我由上年8月到今年1月呢6個月噶總收入除6，加我起2017年3月31日收到噶年終花紅除12噶平均數，再加我起2017年12月31日收到噶年終雙糧除12噶平均數？
3.辦理簽約手續個個日期系咪即系配房通知信上面叫我去屋邨辦事處辦理有關手續個個日期？定還是系辦理入伙同收匙個個日期？本帖最後由 190303458 於 2018-02-10 12:36:23 編輯
恭喜
