尋日我個女放學話我知, 學校要求每個小朋友都要做一個自制燈籠,
咁咪即係我做.....死火啦! 我從來都未做過, 點算呢 !!
好彩有好心街坊話我知, 安基苑有做燈籠嘅材料買, 當然放工後飛去買啦....
當我食飽飽又抖夠之後, 開始做呢一個勞作 (10點鐘開始)...
唉... 唔好睇佢簡簡單單, 原來好鬼煩, 又要剪竹支, 又要黏白膠漿, 整到成手都係,
越做就越忟.....超難做呀!!!! 到完成左個基本燈籠架都好成點幾鐘兩粒鐘 (差不多12點喇)...
跟住又要貼玻璃紙, 又係白膠漿.....時間又再個幾鐘, 終於大功告成喇!!!
你地睇吓, 我辛辛苦苦做好嘅燈籠就係咁喇 (肥楊桃)
