[吳劍昇議員] 葵翠邨入伙最新資訊

吳劍昇議員

[吳劍昇議員] 葵翠邨入伙最新資訊

大家好，我係葵青區議員(興芳)吳劍昇，首先係到同大家打聲招呼。

大家好關心嘅葵翠邨，就係喺我嘅選區(興芳區)裡面，而以下就係大家都會相當關心嘅重要消息。

政府一直預計葵翠邨將於2018年初落成及入伙，作為當區既區議員，我係2017年下半年開始與房屋署有書信來往及聯繫，以便了解葵翠邨最新的發展。

雖然我地知道房屋署會係今年1月為葵翠邨既單位進行預先編配程序，為咗令到大家有一個準確嘅預先編配時間，喺呢個星期(8/1-12/1)我地不斷向房屋署追問有關葵翠邨落成、入伙、進行單位預先編配的確實日期，以及編配的對象，喺今日(12/1)正式獲房屋署編配組總房屋事務經理嘅回覆，房屋署已落實於2018年1月24日開始進行單位預先編配程序(主要對象為一般普通輪候冊申請者，即G字頭號碼的家庭)，有關信件可望於下星期(15/1-19/1)開始陸續收到。收到信件既市民將於2018年1月24日或之後前往葵盛葵聯邨聯欣樓屋邨管理處辦理登記手續，葵聯邨屋邨管理處將會開設新熱線為有需要既市民提供協助，電話：26701021。

而根據回覆既房屋署官員所講，佢地都期望喺17-18財政年度(即18年3月前)可以開始陸續入伙，但係請留意呢個日期仍然會受不同因素影響，其中一個重要因素就係房屋署發展及建築分處既驗收程是否順利，或有需要延期，最終仍以房署公佈為準。

最後本人提議大家用以下方式聯絡本人或本處（請留下姓名、聯絡電話及地址），這會較係快捷為大家解決問題。
1. 辦事處電話：24292012
2. 電郵：hingfong365@gmail.com
3. Whatsapp：94142189

有關葵翠邨的最新資訊將會在此討論區發放。

[一個相當重要提示]：根據本人過往經驗，我哋見過好多次有輪候冊既家庭，因為係預先編配同埋正式派匙之間，出現申請人數嘅變動，喺呢種情況底下，有關嘅編配係有機會受到影響，而其中最需要留意既就係，如果申請人係內地嘅配偶係喺呢段時間裏面黎到香港既話，根據房署政策，配偶係黎到香港既時候係必須加入申請表，從而導致申請表上有人數嘅變動，亦代表有關編配係有機會受到影響，所以大家如果有打算係呢段時改動申請表上嘅人數嘅話，請先行以上述方法向我們查詢。

吳劍昇議員

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

翔88

manlai1012

請問幾時派？

吳劍昇議員

回應 #4 manlai1012
房屋署已落實於2018年1月24日開始進行單位預先編配程序(主要對象為一般普通輪候冊申請者，即G字頭號碼的家庭)，有關信件可望於下星期內(15/1-19/1)開始陸續收到。

ga1718

chauchau89

GloriaLam

回應 #5 吳劍昇議員
多謝你吳議員

peter238

chan328