都住左2個月多D，無聊 Share 下呢個地方- 終於明白點解要送冷氣同窗加厚，開窗實在幾嘈下，特別夜晚靜既時候既飛車聲同狗吠聲
- 管理員整體都算幾好，有禮貌同肯協助老人家開門等等
- 周圍環境同空氣都唔錯，同埋我覺得呢度都算清潔得幾乾淨 (當然仲有部份未入伙，所以有時都會沙塵滾滾), 不過垃圾房我覺得可以做好D，其實清潔還好，不過嗅味好似越來越大
- 交通比我想像中方便，可能一早已預左行15分鐘去大圍站，不過又可以行去美林商場減$2，繁忙時間又有美城苑小巴特別班次，我覺得都唔錯，同埋都有幾條巴士線選擇出市區
- 屋苑單車位其實應該要有遮蓋，D 單車日曬雨淋都唔係太好 (利申: 我冇單車位), 同埋隔離停車場口都唔洗用密碼，個大門口可唔可以唸下點改變下，對老人家來講度門真係太重! 另外電梯繁忙時間如果一齊開就會更好，有次見到一部停在G 樓唔上，但係去到我個層已滿左﹗- 另外關於門口位，真係好想提議門口最多可以放3 對鞋，方便自己同大家，不過我唸都係空想因為大廈條文應該禁止﹗本帖最後由 ming_siman 於 2017-11-06 01:01:27 編輯
回應 
