林鄭月娥想 公屋封頂 ?人口封頂先
2017-10-28 / by
martinoei 黃世澤
林鄭月娥近排都算係幫地產商幫到盡,喺香港成村人仲輪候緊公屋果陣,竟然話 公屋封頂 ,有八十萬戶公屋就夠,其他果啲全部就玩綠置居就夠,佢一定以為香港可以做到新加坡全民買公共房屋呢樣嘢(當然佢唔知新加坡有成個中央公積金制度做配套)。
公屋封頂 嘅前提公屋封頂 係唔係唔得,無話唔得,Council House確係無可能無限量增長,但 公屋封頂 有個前提係人口封頂,即係香港要有一個淨移入人口數目同質量目標,至可能做到 公屋封頂 ,否則人口持續增長,但 公屋封頂 嘅結果只有一個,就係困獸鬥,但居然無人用好本土嘅角度去分析番呢件事,香港果然係一個好奇怪嘅地方,特別呢件事同單程證增長有關。
首先,唔單只要將移民審批權全面收回,仲要 cut 咗所有單程證或類似性質嘅中國移民,中國移民入嚟香港,每年三千人至五千人就夠皮,而且優先係極有人道需要,或有助減輕香港福利制度負擔嘅家庭團聚,其餘果啲就免喇。至於單程證果啲,其實佢地住喺香港第六年,就必須要過香港語文(粵語)能力試,以及英文等同DSE 3分,或UK A Level Grade E (或CEFR B2 in English),否則唔該叫佢地返去中國住吧,反正中國已經十分之強大,十分之多機會,何苦要留喺香港。
其實歐盟就算無限量俾歐盟公民自由行動,2004/38/EC 都有個基本原則,就算不可以喺當地攞任何社會福利,係英國政府班友懶,Immigration Act 1971寫得樣衰至搞到中門大開,任東歐人攞福利,我未聽過東歐人喺德國攞到福利,做生意有唔少,我唔明點解依家咁多無自理能力嘅中國人,或嚟洗黑錢嘅中國人可以係搞咁亂香港,但仍然無人認真處理。記住,歐盟係十分之左膠。